కాసేపట్లో పార్లమెంటులో వార్షిక బడ్జెట్ను ప్రవేశ పెట్టనుంది భాజపా నేతృత్వంలోని మోదీ సర్కార్. సార్వత్రిక ఎన్నికల్లో ఘనవిజయం అనంతరం.. కోట్లాది ప్రజల అంచనాలు, ఆకాంక్షల నడుమ పద్దును తీసుకురానుంది.
- బడ్జెట్ ప్రవేశపెట్టే ముందు రాష్ట్రపతి రామ్నాథ్ కోవింద్ను మర్యాదపూర్వకంగా కలవనున్నారు కేంద్ర ఆర్థిక మంత్రి నిర్మలా సీతారామన్.
- ఉదయం 10.30 గంటలకు పార్లమెంటు ఆవరణలో కేంద్ర మంత్రివర్గం భేటీ అవుతుంది. సభలో ప్రవేశపెట్టనున్న బడ్జెట్కు కేబినెట్ ఆమోదం తెలుపుతుంది.
- ఉదయం 11 గంటలకు లెదర్ సూట్కేసుతో వచ్చి లోక్సభలో బడ్జెట్ ప్రవేశపెడుతారు నిర్మలా సీతారామన్.
- ఇందిరాగాంధీ తర్వాత లోక్సభలో బడ్జెట్ ప్రవేశపెడుతున్న తొలి మహిళా ఆర్థిక మంత్రి నిర్మలా సీతారామన్.
- పూర్తిస్థాయి కేంద్ర ఆర్థికమంత్రిగా బాధ్యతలు చేపట్టిన తొలి మహిళగా చరిత్ర సృష్టించిన నిర్మలా సీతారామన్కు ఇది మొదటి పరీక్ష.
గత బడ్జెట్లో...
ఎన్నికలకు ముందు ఫిబ్రవరిలో ప్రవేశపెట్టిన మధ్యంతర బడ్జెట్లో మోదీ ప్రభుత్వం అనేక ప్రజాకర్షక నిర్ణయాలు తీసుకుంది. మధ్య తరగతి వర్గాలకు ఊరటనిచ్చే పన్ను రిబేటు పెంపు లాంటివి ప్రకటించింది.
రైతుల సంక్షేమం కోసం కిసాన్ సమ్మాన్ నిధి పథకాన్ని ప్రారంభించింది. ఈ బడ్జెట్లోనూ కొత్త పథకాలతో పాటు ఎన్నికల సందర్భంగా ఇచ్చిన హామీల అమలుకు చోటుంటుందని ప్రజలు ఆశగా ఎదురుచూస్తున్నారు.
