అమితాబ్, తాప్సి ప్రధాన పాత్రధారులుగా తెరకెక్కిన బాలీవుడ్ సినిమా 'బద్లా'. సుజయ్ ఘోష్ దర్శకత్వం వహించిన ఈ చిత్రం బాక్సాఫీస్ వద్ద పాజిటివ్ టాక్ తెచ్చుకుంది. తాజాగా ఈ మూవీని తమిళంలో రీమేక్ చేయనున్నారు. ముద్దుగుమ్మ త్రిష హీరోయిన్గా నటించనుందని సమాచారం. ఈ అమ్మడుకు తెలుగులో అభిమానులున్నారు. టాలీవుడ్లోనూ ఈ సినిమా విడుదలయ్యే అవకాశముంది.
టాలీవుడ్లో ఆకాశమంత, గగనం చిత్రాలకు దర్శకుడిగా పనిచేసిన రాధామోహన్ ఈ చిత్రాన్ని తెరకెక్కించనున్నారు.
ఈ మధ్య త్రిష నటించిన '96' సినిమా తమిళంలో ఘనవిజయం సాధించింది. ఈ సినిమాను తెలుగులో శర్వానంద్, సమంత హీరోహీరోయిన్లుగా తెరకెక్కిస్తున్నారు.
