145 కంపెనీల బలగాలతో భద్రత...
28,273 పోలింగ్ కేంద్రాలను సాధారణమైనవి, 6394 పోలింగ్ కేంద్రాలను సమస్యాత్మకమైనవిగా గుర్తించారు. అదనపు పోలీస్ బందోబస్తు ఏర్పాటు చేయనున్నారు. మావోయిస్టు ప్రభావిత ప్రాంతాల్లో కూంబింగ్ నిర్వహిస్తున్నారు. రాష్ట్రంలో ఉన్న 48వేల మంది పోలీస్ సిబ్బందితో పాటు.... కేంద్ర బలగాలు ఎన్నికల విధుల్లో పాలుపంచుకోనున్నాయి. 145 కంపెనీల బలగాలను రాష్ట్రానికి కేటాయించారు.
అక్రమ మద్యం, నగదుపై నిఘా...
ఎన్నికల కోడ్ అమల్లోకి వచ్చిన రోజు నుంచి ప్రత్యేక బృందాలు తనిఖీలు ముమ్మరం చేశాయి. ప్రత్యేకంగా 405 ఫ్లయింగ్ స్వ్కాడ్, 395 నిఘా బృందాలు ఏర్పాటు చేశారు. ఇప్పటి వరకు సుమారు 12 కోట్ల నగదు స్వాధీనం చేసుకున్నారు. 55లక్షల రూపాయల విలువ చేసే మద్యం, 2కోట్ల 77లక్షల రూపాయల విలువ చేసే గంజాయి, ఇతర మత్తు పదార్థాలు పట్టుకున్నారు. 8500 లైసెన్స్డ్ ఆయుధాలు డిపాజిట్ చేసుకున్నారు. 18వేలకు పైగా బైండోవర్ కేసులు నమోదు చేశారు. ఇటీవల జరిగిన అసెంబ్లీ ఎన్నికల అనుభవం ప్రస్తుతం ఉపయోగపడుతోందని అధికారులు చెబుతున్నారు.
సిబ్బందికి ఆదేశాలు...
ఇప్పటికే సెలవుల్లో ఉన్న సిబ్బందిని ఏప్రిల్ 1 లోగా విధులకు హాజరుకావాలంటూ అధికారులు అదేశించారు. లేకుంటే... విధుల నుంచి తొలగిస్తామని హెచ్చరించారు.
ఇదీ చదవండి:పార్లమెంటు పోరుకు వెళ్తోన్న నేతలు వీళ్లే...!
