కోమటిరెడ్డికి షోకాజ్​ నోటీసులు..?

కోమటిరెడ్డి చేసిన వ్యాఖ్యలపై పీసీసీ క్రమశిక్షణా సంఘం తీవ్రంగా పరిగణించింది. షోకాజ్​ నోటీసులు జారీ చేసేందుకు సిద్ధమైంది. కుంతియా, పీసీసీ చీఫ్​ ఉత్తమ్​, భట్టిలతో చర్చించి తుది నిర్ణయం తీసుకోనున్నట్లు సమాచారం.

మునుగోడు ఎమ్మెల్యే కోమటిరెడ్డి రాజగోపాల్​రెడ్డి పార్టీకి వ్యతిరేకంగా చేసిన వ్యాఖ్యలను పీసీసీ క్రమశిక్షణా సంఘం తీవ్రంగా పరిగణించింది. ఇవాళ సాయంత్రం క్రమశిక్షణా సంఘం అధ్యక్షుడు కోదండరెడ్డి నేృతృత్వంలో భేటీ అయిన కమిటీ షోకాజ్​ నోటీసులు జారీ చేసేందుకు సిద్ధమైంది. తరచూ పార్టీపై వ్యతిరేకంగా గళం విప్పుతున్న రాజగోపాల్​రెడ్డిపై చర్యలు తీసుకోవాలని కాంగ్రెస్ రాష్ట్ర వ్యవహారాల బాధ్యుడు కుంతియా, పీసీసీ అధ్యక్షుడు ఉత్తమ్​, సీఎల్పీ నేత భట్టి సూచించినట్లు సమాచారం. ఆ నోటీసులను వారి ముగ్గురికి పంపించి అనంతరం తుది నిర్ణయం తీసుకోనున్నట్లు తెలుస్తోంది.

ఇవీ చూడండి: పార్టీ మార్పుపై ఇంకా నిర్ణయం తీసుకోలేదు: కోమటిరెడ్డి