నితిన్​ 18 ఏళ్ల కెరీర్​లో ఆసక్తికర విషయమదే

కెరీర్​ ప్రారంభంలో స్టార్​డమ్ వచ్చినా.. కొన్నాళ్లకే వరుస పరాజయాలు పలకరించాయి. అయినా తట్టుకుని నిలబడి ప్రస్తుతం హిట్​లతో దూసుకెళ్తున్నారు హీరో నితిన్​. 'జయం'తో వెండితెరకు పరిచయమమైన ఇతడు.. ఈరోజు(జూన్ 14)కు 18 ఏళ్ల సినీ ప్రయాణం పూర్తిచేసుకున్నారు.

18ఏళ్లు.. 26 సినిమాలు.. ఇది టాలీవుడ్​ హీరో నితిన్​ ట్రాక్​ రికార్డ్​. 19 ఏళ్లకే 'జయం'తో వెండితెరకు పరిచయమై అభిమానుల 'దిల్'​లో స్టార్​గా క్రేజ్​ సంపాదించుకున్నారు. ఆ తర్వాత ఎన్నో అద్భుత చిత్రాలతో మెప్పించారు. అయితే నితిన్ నటనా కెరీర్​ ప్రారంభించి జూన్ 14కు 18 ఏళ్లు పూర్తయింది. ఈ సందర్భంగా అతడి సినీ ప్రయాణం గురించి ఆసక్తికర విశేషాలు..

నితిన్ 'జ‌యం'తో టాలీవుడ్​కు పరిచయమయ్యారు​. తేజ ద‌ర్శ‌కుడు. ఈ సినిమా ఘ‌న విజ‌యం సాధించ‌డం వల్ల ఇతడికి వెనుదిరిగి చూసుకోవాల్సిన అవ‌స‌రం రాలేదు. ఆ తర్వాత వరుస హిట్​లు అందుకుని, టాలీవుడ్​ అగ్రదర్శకులందరితోనూ పనిచేశారు. అయితే ఆ విజయాల పరంపర​​ ఎంతో కాలం కొనసాగలేదు. కె.రాఘ‌వేంద్ర‌రావు, రాజ‌మౌళి వంటి అగ్ర ద‌ర్శ‌కులతో పనిచేసిన తర్వాత కెరీర్​లో వరుసగా పదికి పైగా ప్లాఫ్​లు మూటగట్టుకున్నారు.

• " class="align-text-top noRightClick twitterSection" data="">

'ఇష్క్‌' తో

కానీ 2012లో వచ్చిన 'ఇష్క్‌'తో నితిన్ కెరీర్​ మళ్లీ ఊపందుకుంది. ఈ చిత్రం ఊహించని రీతిలో సూపర్​ హిట్​గా నిలిచింది. దీంతో ఇతడు తిరిగి విజయాల ట్రాక్​లోకి వచ్చారు. అనంతరం వచ్చిన 'గుండెజారి గల్లంతయ్యిందే' 'హార్ట్‌ ఎటాక్‌' సినిమాతో విజయాల్ని కొనసాగించారు. ఆ తర్వాత నుంచి ఇప్పటివరకు విడుదలైన నితిన్ సినిమాలు.. హిట్​లు, మిశ్రమ స్పందనలు అందుకున్నాయి.​ ఇటీవలే వచ్చిన 'భీష్మ' విశేష ప్రేక్షకాదరణ సొంతం చేసుకుంది.

• " class="align-text-top noRightClick twitterSection" data="">

ప్రతిసారి ఓ కొత్త దర్శకుడుతోనే

18 ఏళ్ల పూర్తి చేసుకున్న నితిన్​ కెరీర్​లో ఓ ఆసక్తికర విషయం ఉంది. తనను పరిచయం చేసిన తేజతో తప్ప ఇతర ఏ దర్శకుడుతోనూ మరోసారి కలిసి పనిచేయలేదు. ప్ర‌తిసారీ ఓ కొత్త ద‌ర్శ‌కులకు అవకాశాలిస్తూ టాలీవుడ్​లో ప్ర‌యాణం సాగించారు. అయితే త్వరలో 'ప‌వ‌ర్ పేట‌'తో రెండోసారి.. ద‌ర్శ‌కుడ్ని రిపీట్ చేయనున్నారు. ఈ సినిమాకు కృష్ణ‌చైత‌న్య ద‌ర్శ‌క‌త్వం వ‌హించ‌బోతున్నారు. ఇతడు ఇదివ‌రకే నితిన్‌తో 'ఛ‌ల్ మోహ‌న్‌రంగ‌' తీశారు.

• " class="align-text-top noRightClick twitterSection" data="">

టాలీవుడ్‌ అగ్ర దర్శకులతో

టాలీవుడ్‌ అగ్ర దర్శకులైన కె.రాఘవేంద్రరావు, పూరీ జగన్నాథ్, త్రివిక్రమ్‌ శ్రీనివాస్, రాజమౌళి, వి.వి.వినాయక్, రామ్​గోపాల్‌ వర్మ, కృష్ణవంశీ లాంటి వారితో కలిసి నితిన్‌ పనిచేశారు. చిన్న వయసులోనే ఇలా స్టార్​ డైరెక్టర్ల సినిమాల్లో నటించిన ఘనత నితిన్​కు మాత్రమే దక్కింది.

• " class="align-text-top noRightClick twitterSection" data="">

ఇదిచూడండి : 'సోనూసూద్​ లాంటి వ్యక్తులు చాలా అరుదు'