జాతీయ పార్టీలు విఫలం: కేటీఆర్​

ఇద్దరు ఎంపీలతో తెలంగాణ రాష్ట్రాన్ని సాధించామన్నారు కేటీఆర్​. 16 మంది ఎంపీలను ఇస్తే కేంద్రంపై ఒత్తిడి తెచ్చి అధికంగా నిధులు సాధించే అవకాశం ఉంటుందన్నారు. ప్రజల కనీస అవసరాలను తీర్చడంలో జాతీయ పార్టీలు విఫలమయ్యాయని విమర్శించారు.

స్వాతంత్రం వచ్చి ఇన్నేళ్లయినా జాతీయ పార్టీలు ప్రజల కనీస అవసరాలు తీర్చలేదని తెరాస కార్యనిర్వాహక అధ్యక్షుడుకేటీఆర్​ ఆరోపించారు. దేశంలోని చాలా రాష్ట్రాల్లో కాంగ్రెస్​, భాజపాల ఉనికే లేదన్నారు. ప్రాంతీయ పార్టీలు బలంగా లేని చోట మాత్రమే జాతీయ పార్టీలకు ప్రజలు ఓట్లు వేస్తున్నారని తెలిపారు.

కాంగ్రెస్​ ఎమ్మెల్యేలను అడ్డగోలుగా కొంటున్నారని కొందరు అంటున్నారని... వారిలో నాయకత్వ లోపం ఎక్కడ ఉందో ఆత్మ విమర్శ చేసుకోవాలని సూచించారు. 16 మంది ఎంపీలను గెలిపిస్తే కేంద్రంపై ఒత్తిడి తెచ్చి మరిన్ని నిధులు సాధించుకోవచ్చని వివరించారు.

హైదరాబాద్​లో టీపీసీపీ అధికార ప్రతినిధి క్రిశాంక్​ కేటీఆర్​ సమక్షంలోగులాబీ గూటికి చేరారు. అలాగేవికారాబాద్, భూపాలపల్లికి చెందిన కాంగ్రెస్​ నాయకులు తెరాస తీర్థం పుచ్చుకున్నారు.

ఇవీ చూడండి:'నాకెందుకు అపాయింట్​మెంట్​ ఇస్తలేరు'