కేటీఆర్​కు తొమ్మిదో తరగతి విద్యార్థి ట్వీట్​

తొమ్మిదో తరగతి చదివే విద్యార్థి కేటీఆర్​కు ట్వీట్​ చేశాడు. ఉప్పల్​లోని తమ పాఠశాలలో జూన్​ 11కు బదులు 1న తరగతులు ప్రారంభిస్తున్నారని ఫిర్యాదు చేశాడు. దీనిపై స్పందించిన కేటీఆర్​ విద్యాశాఖ మంత్రికి సూచనలు చేశారు.

తెరాస కార్యనిర్వాహక అధ్యక్షుడు కేటీఆర్‌కు హైదరాబాద్​ ఉప్పల్​కు చెందిన వేదవ్యాస్​ అనే తొమ్మిదో తరగతి విద్యార్థి ట్వీట్​ చేశాడు. ఉప్పల్​లోని తమ పాఠశాలలో జూన్​ 1న తరగతులు ప్రారంభిస్తున్నారని వేదవ్యాస్​ ఫిర్యాదు చేశాడు. అయితే బడులకు జూన్​ 11 వరకు వేసవి సెలవులు పొడగిస్తూ ప్రభుత్వం ఉత్తర్వులు జారీ చేసింది. వచ్చే నెల 1 నుంచి ఒంటిపూట తరగతులు నిర్వహిస్తున్నారన్న విద్యార్థి ట్వీట్​కు కేటీఆర్​ స్పందించారు. సెలవుల విషయంలో నిబంధనలు పాటించేలా చూడాలని విద్యాశాఖ మంత్రికి సూచించారు.

ఇవీ చూడండి: ఒకే విమానంలో గవర్నర్​, కేసీఆర్​, జగన్​