దేశానికి దిశానిర్దేశం...ఆదర్శం అంటే ఇదేనా

పార్టీ ఫిరాయింపులపై భట్టి విక్రమార్క మండిపడ్డారు. కేసీఆర్​ రాజ్యాంగ విరుద్ధంగా వ్యవహరిస్తున్నారని విమర్శించారు. పార్టీ వీడిన ఎమ్మెల్యేలు రాజీనామా చేసి మళ్లీ పోటీ చేయాలని డిమాండ్ చేశారు.

కాంగ్రెస్‌ శాసనసభ్యులు తెరాసలో చేరడంపై ప్రతిపక్ష నేత భట్టి విక్రమార్క తీవ్రంగా స్పందించారు. ఎమ్మెల్యేలను కొనుగోలు చేయడం నీచ సంస్కృతికి పరాకాష్టగా ఆయన ఒక ప్రకటనలో అభివర్ణించారు.

ప్రశ్నించే గొంతును నొక్కడమే రాజకీయమా అని నిలదీశారు. ప్రతిపక్షం అంటే అంత భయమా అని ధ్వజమెత్తారు. ఫిరాయింపులను ప్రోత్సహిస్తున్న కేసీఆర్ దాన్ని గొప్పగా చెప్పుకోవడంపై మండిపడ్డారు. దేశానికి దిశానిర్దేశం, ఆదర్శం అంటే ఇదేనా అని ఎద్దేవా చేశారు.

సీఎంకు రాజ్యాంగంపై ఏ మాత్రం గౌరవం ఉన్నా...పార్టీ ఫిరాయింపులను ఆపాలని డిమాండ్‌ చేశారు. పార్టీని వీడిన ఎమ్మెల్యేలు...కాంగ్రెస్‌ సభ్యత్వానికి, ఎమ్మెల్యే పదవికి రాజీనామా మళ్లీ పోటీ చేయాలని భట్టి స్పష్టం చేశారు.

ఇదీ చూడండి:సభను విజయవంతం చేయండి