ఈ వారం (సెప్టెంబరు 19 - 25) రాశిఫలాల గురించి డాక్టర్‌ శంకరమంచి రామకృష్ణ శాస్త్రి చెప్పిన సంగతులు మీకోసం..
మేషం (అశ్విని, భరణి, కృత్తిక 1వ పాదం)
మంచి పనులు చేసే అవకాశం లభిస్తుంది. ధర్మబద్ధంగా నిర్ణయాలు తీసుకోవాలి. అధికార లాభం సూచితం. ఆశయం నెరవేరుతుంది. కార్యసిద్ధి విశేషంగా ఉంటుంది. నూతన ప్రయత్నాలు సఫలమవుతాయి. ఆర్థికస్థితి మెరుగవుతుంది. మిత్రుల అండ లభిస్తుంది. గృహ వాహనాది లాభాలుంటాయి. ఇంట్లో వారితో గొడవపడవద్దు. శివస్మరణ మంచిది.
వృషభం (కృత్తిక 2,3,4 పాదాలు; రోహిణి, మృగశిర 1,2 పాదాలు)
మనోబలం విజయాన్నిస్తుంది. పనులను వాయిదా వేయవద్దు. నిజాయతీ కాపాడుతుంది. ధనలాభం ఉంది. శ్రమ ఎక్కువ అవుతుంది. అవాంతరాలను సమర్థంగా ఎదుర్కోవాలి. మొహమాటం ఇబ్బంది పెడుతుంది. ఉత్సాహంగా ఉండండి. అపార్థాలకు తావివ్వకుండా ఓర్పుతో సంభాషించాలి. ఇష్టదైవ ధ్యానంతో మేలు జరుగుతుంది.
మిథునం (మృగశిర 3,4 పాదాలు, ఆర్ద్ర, పునర్వసు 1,2,3 పాదాలు)
బుద్ధిబలంతో విజయం సాధిస్తారు. ఉద్యోగ వ్యాపారాల్లో కలిసి వస్తుంది. సమయాన్ని సద్వినియోగం చేసుకోవాలి. ఒక మెట్టు పైకి ఎక్కే అవకాశముంది. నూతన ఆలోచనలు శక్తినిస్తాయి. వెతుకు తున్నది వెంటనే దొరుకుతుంది. కొత్తవారి పరిచయాలు లాభాన్నిస్తాయి. ఆర్థికంగా స్థిరపడతారు. విఘ్నాలను సమర్థంగా ఎదుర్కోవాలి. గణపతి స్మరణ మంచిది.
కర్కాటకం (పునర్వసు 4వ పాదం; పుష్యమి, ఆశ్లేష)
శ్రేష్ఠమైన కాలం. ఉద్యోగంలో అద్భుతంగా ఉంటుంది. పలువిధాలుగా విజయం లభిస్తుంది. అవకాశాలను సద్వినియోగం చేసుకోవాలి. ధనధాన్య లాభాలు కలుగుతాయి. వ్యాపారంలో కలిసివస్తుంది. పదిమందికీ మేలు చేసే అవకాశముంటుంది. బంగారు భవిష్యత్తుకు అవసరమైన ప్రణాళికలు సిద్ధం చేయండి. ఇష్టదైవాన్ని స్మరించండి, అంతా మంచే జరుగుతుంది.
సింహం (మఖ, పుబ్బ, ఉత్తర 1వ పాదం)
అదృష్టకాలం నడుస్తోంది. విశేషమైన శుభాలున్నాయి. సుఖశాంతులు లభిస్తాయి. సమస్యలకు పరిష్కారం కనిపిస్తుంది. ఉద్యోగంలో గుర్తింపూ వ్యాపారలాభమూ ఉంటాయి. సకాలంలో స్పందించండి. దేనికీ వెనుకాడవద్దు. తోటివారి సహకారం లభిస్తుంది. సమష్టి నిర్ణయాలు మంచిది. ఇష్టదేవతాధ్యానం కార్యసిద్ధినిస్తుంది.
కన్య (ఉత్తర 2,3,4 పాదాలు; హస్త, చిత్త 1,2 పాదాలు)
మంచికాలం. మిత్రుల సహకారంతో విజయం సాధిస్తారు. సొంత నిర్ణయం మేలు చేస్తుంది. పనుల్లో పురోగతి ఉంటుంది. ఆర్థికంగా కలిసి వస్తుంది. ఆదర్శవంతమైన జీవితాన్ని గడుపుతారు. ఆశయాలు నెరవేరతాయి. సౌమ్య సంభాషణ మేలు. అన్ని రకాలుగానూ అభివృద్ధి ఉంటుంది. ఆదిత్యహృదయం చదవండి, ఆనందంగా ఉంటారు.
తుల (చిత్త 3,4 పాదాలు, స్వాతి, విశాఖ 1,2,3 పాదాలు)
చాలా జాగ్రత్తగా ఉండాలి. విఘ్నాలున్నా పట్టుదలతో లక్ష్యాన్ని చేరాలి. సొంత నిర్ణయం కొంత శ్రమ కలిగిస్తుంది. వ్యాపారంలో నష్టం రాకుండా చూసుకోవాలి. కొత్తవారితో జాగ్రత్తగా మెలగాలి. ఆంతరంగిక విషయాలు ఇతరులతో చర్చించవద్దు. ఉద్యోగంలో ఇబ్బంది పెట్టేవారున్నారు. కుటుంబసభ్యులకు చెప్పి చేసే పనులు లాభాన్నిస్తాయి. లక్ష్మీస్తుతి మంచిది.
వృశ్చికం (విశాఖ 4వ పాదం; అనూరాధ, జ్యేష్ఠ)
కార్యసిద్ధి ఉంటుంది. సకాలంలో పనులు పూర్తిచేయండి. ఉద్యోగంలో ఉన్నతమైన ఫలితాలుంటాయి. వ్యాపార లాభాలున్నాయి. స్వల్ప ప్రయత్నంతో అద్భుతమైన విజయం చేకూరుతుంది. చెడు ఊహించవద్దు. ఒక ఆపద నుంచి బయటపడతారు. ఎదురు చూస్తున్న పని పూర్తి అవుతుంది. ఇష్టదైవ నామాన్ని స్మరించండి, కీర్తి లభిస్తుంది.
ధనుస్సు (మూల, పూర్వాషాఢ, ఉత్తరాషాఢ 1వ పాదం)
శుభకాలం. ఉత్సాహంగా పనులు ప్రారంభించండి. అద్భుతమైన కార్యసిద్ధి ఉంటుంది. మంచి ఆలోచనలతో అభివృద్ధిని సాధిస్తారు. ఉద్యోగంలో స్థిరత్వముంటుంది. వ్యాపారం బాగుంటుంది. సమస్యలు తొలగుతాయి. గృహ-భూ-వాహనాది యోగాలు బలపడతాయి. ఆనందించే అంశం ఒకటి ఉంది. ఇష్టదైవదర్శనం మేలు చేస్తుంది.
మకరం (ఉత్తరాషాఢ 2,3,4 పాదాలు; శ్రవణం, ధనిష్ట 1,2 పాదాలు)
కాలం వ్యతిరేకిస్తోంది. అప్రమత్తంగా ఉండాలి. ఒత్తిడి ఇబ్బంది పెడుతుంది. ఆత్మీయుల సహకారం రక్షిస్తుంది. ఖర్చులు పెరుగుతాయి. సమస్యలను ధైర్యంగా ఎదుర్కోవాలి. మిత్రులతో చర్చించండి. ఆశయం నెరవేరేవరకూ శ్రమించాలి. అపార్థాలకు అవకాశముంది. నవగ్రహ శ్లోకాలు చదవండి, ఊరట కలుగుతుంది.
కుంభం (ధనిష్ట 3,4 పాదాలు; శతభిషం, పూర్వాభాద్ర 1,2,3 పాదాలు)
మనోబలంతో విజయం లభిస్తుంది. శ్రమ పెరిగినా సత్ఫలితముంటుంది. ఉద్యోగ పరంగా కష్టపడాలి. పెద్దల సహకారంతో అనుకోని లాభం ఒకటి చేకూరుతుంది. ఆగిన పనులు పునః ప్రారంభమవుతాయి. వ్యయం పెరుగుతుంది. గృహ నిర్మాణాది పనుల్లో పురోగతి ఉంటుంది. ఒక ఆపద తొలగుతుంది. ఆంజనేయ స్వామిని స్మరించండి, కోరిక నెరవేరుతుంది.
మీనం (పూర్వాభాద్ర 4వ పాదం, ఉత్తరాభాద్ర, రేవతి)
అదృష్టవంతులవుతారు. పనులు త్వరగా పూర్తి అవుతాయి. గౌరవ మర్యాదలు లభిస్తాయి. ఉద్యోగంలో అభివృద్ధి ఉంటుంది. కోరుకున్న జీవితం లభిస్తుంది. కల సాకారమవుతుంది. పోయినవి తిరిగి లభిస్తాయి. బంధుత్వాలు బలపడతాయి. లక్ష్యం వెంటనే సిద్ధిస్తుంది. అపోహలు తొలగుతాయి. ఆనందప్రదంగా కాలం గడుస్తుంది. ఇష్టదైవాన్ని ధ్యానిస్తే సరిపోతుంది.
ఇదీ చూడండి: ఏ పని చేస్తే ఎక్కువ కాలం బతుకుతారో తెలుసా?
