'నా ప్రజల హక్కులు పురనరుద్ధరించేవరకు చనిపోను'

ఏడాది కాలంలో తొలిసారిగా జమ్ములో తన పార్టీ కార్యకర్తలను ఉద్దేశించి ప్రసంగించిన మాజీ ముఖ్యమంత్రి ఫరూక్ అబ్దుల్లా.. గత రాష్ట్ర ప్రజల రాజ్యాంగ హక్కులు పునరుద్ధరించే వరకు తాను చనిపోనని అన్నారు.

గత జమ్ము కశ్మీర్​ ప్రజల హక్కులను పునరుద్ధరించే వరకు తాను చనిపోనని నేషనల్​ కాన్ఫరెన్స్(ఎన్​సీ)​ పార్టీ అధ్యక్షుడు ఫరూక్​​ అబ్దుల్లా అన్నారు. పార్టీ కార్యకర్తలను ఉద్దేశించి మాట్లాడిన ఫరూక్​​ భావోద్వేగ ప్రసంగం చేశారు. జమ్ము కశ్మీర్​, లద్ధాఖ్​ విషయంలో ప్రజలను భాజపా ప్రభుత్వం తప్పుదోవ పట్టిస్తుందని.. తప్పుడు వాగ్దానాలు చేస్తుందని ఆరోపించారు ఫరూక్​.

"నా ప్రజల(జమ్ము కశ్మీర్) హక్కులు పునరుద్ధరించేంత వరుకు నేను చనిపోను. ప్రజల కోసం ఏదైనా చేయడానికే ఇక్కడ ఉన్నాను. నా పనిని పూర్తి చేసిన రోజే ఈ లోకాన్ని విడుస్తాను."​

- ఫరూక్​​ అబ్దుల్లా, ఎన్​సీ పార్టీ అధ్యక్షుడు

శనివారం పీపుల్స్​ అలయన్స్​ ఫర్​ గుప్కర్​ డిక్లరేషన్​(పీఏజీడీ) నేతలు భేటీ కానున్న నేఫథ్యంలో ఫరూక్ ఈ వ్యాఖ్యలు చేశారు.​ ఆర్టికల్​ 370ను రద్దు చేసిన తర్వాత జమ్ములో అబ్దుల్లా ఏర్పాటు చేసిన తొలి రాజకీయ సమావేశం ఇదే కావడం గమనార్హం.

ఇదీ చూడండి: 'ప్రజాప్రతినిధుల' కేసులపై సుప్రీం కీలక ఆదేశాలు