సామాజిక మాధ్యమాలపై(social media) కొత్తగా ప్రవేశపెట్టిన నిబంధనలకు వాట్సప్(whatsapp) వినియోగదారులు ఆందోళన చెందాల్సిన అవసరం లేదని కేంద్ర ఐటీ శాఖ మంత్రి రవిశంకర్ ప్రసాద్ స్పష్టం చేశారు. అసభ్య భావాజాలం, దుష్ప్రచారాలను కట్టడి చేసేందుకే ఈ కొత్త నిబంధలను తెచ్చినట్లు వెల్లడించారు.
వినియోగదారులకు ప్రశ్నించే హక్కు సహా వారు విమర్శలు వ్యక్తం చేయడాన్ని ప్రభుత్వం స్వాగతిస్తుందని తెలిపారు. కొత్త రూల్స్ సామాజిక మాధ్యమ వినియోగదారులకు(social media) మరింత బలం చేకూరుస్తాయని పేర్కొన్నారు. దుష్ప్రచారం, అసభ్య భావజాలానికి బాధితులైన వారికి ఈ నిబంధనలు ఉపయోగపడతాయని అభిప్రాయపడ్డారు.
ఈ కొత్త నిబంధనల ప్రకారం సోషల్ మీడియా(social media) సంస్థలు భారత్కు చెందిన గ్రీవియన్స్ రిడ్రెసల్ ఆఫీసర్, నోడల్ ఆఫీసర్, కంపైలన్స్ ఆఫీసర్ను నియమించాలని కేంద్రం ఆదేశించింది.
ఇదీ చదవండి : whatsapp: కేంద్రం X వాట్సప్.. ముదురుతున్న వివాదం
