కరోనా వ్యాప్తి దృష్ట్యా బంగాల్ ఎన్నికల ప్రచారంపై ఎన్నికల సంఘం(ఈసీ) మరిన్ని ఆంక్షలు విధించింది. రాత్రి 7 గంటల నుంచి ఉదయం 10 గంటల వరకు ఎన్నికల ప్రచారాన్ని నిషేధించింది. ఆ సమయంలో ర్యాలీలు, వీధుల్లో ప్రచారాలు, సభలు నిర్వహించకూడదని స్పష్టం చేసింది. పోలింగ్కు 72 గంటల ముందే ప్రచారాన్ని నిలిపివేయాలని ఆదేశించింది. ఇంతకు ముందు ఈ సమయం 48 గంటలుగా ఉండేది.
తాజా ఆదేశాలు.. బంగాల్లో జరగనున్న 6, 7, 8వ విడతల పోలింగ్కు వర్తిస్తాయని ఈసీ స్పష్టం చేసింది. బంగాల్ అసెంబ్లీ ఎన్నికలకు మొత్తం 8 విడతల్లో పోలింగ్ నిర్వహించేందుకు ఈసీ ఏర్పాట్లు చేయగా ఇప్పటి వరకు 4 విడతలు పూర్తయ్యాయి. శనివారం 5 వ విడత పోలింగ్ జరగనుంది.
ఇదీ చూడండి:బంగాల్ ఎన్నికల అభ్యర్థులపై కరోనా పంజా
