భారత క్రికెటర్ హార్దిక్ పాండ్య.. ట్విట్టర్ వేదికగా తన తండ్రికి నివాళి అర్పించాడు. గత వారం గుండెపోటు కారణంగా మరణించిన తండ్రి హిమాన్షు పాండ్యను గుర్తుచేసుకుని.. తన హృదయంలోని బాధనంతా వెలిబుచ్చుతూ ట్విట్టర్లో ఓ వీడియోను పోస్ట్ చేశాడు.
చిన్ననాటి నుంచి తండ్రితో హార్దిక్ పెనవేసుకున్న అనుభూతులతో ఈ వీడియో ఉంది. 'టు డాడ్' అనే క్యాప్షన్తో ఉన్న ఈ వీడియోలో.. భారత కీర్తి పతాకాన్ని ఎగురవేసిన క్రికెటర్ని ఈ దేశానికి ఇచ్చారంటూ.. హార్దిక్ తండ్రికి అమితాబ్ బచ్చన్ అభినందనలు తెలిపిన క్లిప్ కూడా ఉంది. ఈ వీడియోకు ప్రముఖ హిందీ సినిమాలోని 'అప్నే తు అప్నే హోతే హైన్' పాట బ్యాగ్రౌండ్లో వస్తూ హార్దిక్ హృదయంలోని బాధను తెలియజేస్తోంది.
త్వరలో జరగబోయే ఇంగ్లాండ్ టెస్ట్ సిరీస్కు హార్దిక్ సన్నద్ధమవుతున్నారు. ఈ నెల ఆరంభంలోనే ప్రాక్టీస్ మొదలుపెట్టారు. ఇంగ్లాడ్లో ఆడబోయే టెస్ట్ సిరీస్కు జట్టులో హార్దిక్ చోటు దక్కించుకున్న విషయం తెలిసిందే.
