'వాలీబాల్​ ఆట కూడా నిరసనలో భాగమే'

దిల్లీ-హరియాణా సరిహద్దులో గల సింఘూ ప్రాంతంలో కొంతమంది రైతులు వాలీబాల్​ ఆడుతూ కనిపించారు. కొత్త వ్యవసాయ చట్టాలకు వ్యతిరేకంగా చేస్తున్న వినూత్న నిరసనల్లో ఇది ఒకటి అని చెప్పుకొచ్చారు అన్నదాతలు.

దేశ రాజధాని దిల్లీ సరిహద్దుల్లో రైతులు చేస్తున్న ఆందోళనలు రోజుకో రూపును సంతరించుకొంటున్నాయి. ఇప్పటికే కొందరు వ్యక్తులు రైతులకు మద్దతు తెలుపుతూ వినూత్నంగా నిరసన గళం వినిపిస్తోంటే... తాజా కర్షకులు సింఘూ సరిహద్దుల్లో వాలీబాల్​ ఆడుతూ నిరసన తెలిపారు.

వాలీబాల్​ ఆడుతున్న రైతులు

ఆటవిడుపు నిరసన

సామూహిక భోజనాలు చేసిన తరువాత మేమంతా ఇలా వాలీబాల్​ ఆడుతాం. నిరసన తెలపడంలో ఇదో పద్ధతి. కేంద్రం కొత్త వ్యవసాయ చట్టాలను వెనక్కి తీసుకోవాలని కోరుతున్నాం.

-రంజిత్​ సింగ్​, పంజాబ్​ వాసి