మహిళల వస్త్రధారణపై వివాదాస్పద వ్యాఖ్యలు చేసిన ఉత్తరాఖండ్ సీఎం తీరథ్ సింగ్ రావత్కు సమన్లు పంపింది భాజపా అధిష్ఠానం. పార్టీ జాతీయ అధ్యక్షుడు జేపీ నడ్డా ఆదేశాల మేరకు రావత్ దిల్లీ వెళ్లి వివరణ ఇవ్వనున్నారు.
ఈ ఏడాది మార్చి 10న ఉత్తరాఖండ్ సీఎంగా ప్రమాణస్వీకారం చేసిన రావత్కు.. ముఖ్యమంత్రి హోదాలో ఇది తొలి దిల్లీ పర్యటన కానుంది.
ఇదీ చదవండి: 'వస్త్రధారణ' వ్యాఖ్యలను సమర్థించిన సీఎం భార్య!
కొద్దిరోజుల క్రితం.. తాను విమానంలో ప్రయాణిస్తున్న సమయంలో తన పక్కన కూర్చొన్న ఓ మహిళ చిరిగిన జీన్స్ ధరించిందని, ఆమెకు ఇద్దరు పిల్లలున్నారని ఓ సమావేశంలో తీరథ్సింగ్ అన్నారు. ఇలాంటి వస్త్రధారణతో సభ్య సమాజానికి ఏం సందేశం ఇస్తారని ఆయన వ్యాఖ్యానించారు. ఆయన వ్యాఖ్యలకు వ్యతిరేకంగా రిప్డ్ జీన్స్ ధరించిన పోస్టులు కూడా పెడుతూ కొందరు నిరసన వ్యక్తం చేశారు.
ఇదీ చదవండి: ఉత్తరాఖండ్ సీఎం వ్యాఖ్యలపై తీవ్ర దుమారం
ఇదీ చదవండి: సీఎం వ్యాఖ్యలపై బిగ్బీ మనమరాలు గరం
