UP election Akhilesh Yadav: శ్రీ కృష్ణ పరమాత్ముడు ప్రతిరోజు కలలోకి వచ్చి తనతో మాట్లాడుతాడని సమాజ్వాదీ పార్టీ(ఎస్పీ) అధినేత అఖిలేశ్ యాదవ్ చెప్పారు. ఉత్తర్ప్రదేశ్లో రామరాజ్యం నెలకొల్పడానికి త్వరలో తాను ప్రభుత్వాన్ని ఏర్పాటు చేస్తానని చెబుతుంటారని అఖిలేశ్ పేర్కొన్నారు. భాజపా ఎమ్మెల్యే మాధురి వర్మను తన పార్టీలోకి ఆహ్వానించే సందర్భంగా నిర్వహించిన సభలో అఖిలేశ్ ఈ వ్యాఖ్యలు చేశారు.
"రాష్ట్రంలో రామరాజ్యానికి సామ్యవాదమే (సమాజ్వాద్) మార్గం. సమాజ్వాద్ పార్టీ అధికారంలోకి వచ్చిన రోజు రాష్ట్రంలో రామరాజ్యం ఏర్పడుతుంది. శ్రీకృష్ణ పరమాత్మడు ప్రతిరోజు రాత్రి నాకు కలలోకి వస్తాడు. రాష్ట్రంలో రామరాజ్యం నెలకొల్పడానికి త్వరలో తాను ప్రభుత్వాన్ని ఏర్పాటు చేస్తానని చెబుతుంటారు" అని అఖిలేశ్ చెప్పారు.
రాష్ట్రంలో యోగి సర్కారు అన్నివిధాల విఫలమైందని అఖిలేశ్ విమర్శించారు. త్వరలో జరగనున్న అసెంబ్లీ ఎన్నికల్లో తమ పార్టీ తప్పక విజయం సాధిస్తుందని ఆశాభవం వ్యక్తం చేశారు.
ఇదీ చూడండి: ఐసోలేషన్లో ప్రియాంకా గాంధీ.. ప్రచారాలపై ఎఫెక్ట్!
