ఉత్తర్ప్రదేశ్ కేబినెట్ కీలక నిర్ణయం తీసుకుంది. అయోధ్యలో ప్రపంచ స్థాయి బస్స్టేషన్ నిర్మాణానికి సోమవారం ఆమోదం తెలిపింది. రూ.400 వ్యయంతో నిర్మించనున్న ఈ స్టేషన్లో భక్తుల సౌకర్యార్థం అత్యవసర సేవలు సైతం అందుబాటులో ఉండేలా ఏర్పాట్లు చేయనున్నట్లు రాష్ట్ర మంత్రి సిద్ధార్థనాథ్ సింగ్ తెలిపారు.
"అయోధ్యలో నిర్మించనున్న రామాలయాన్ని దర్శించడానికి దూర ప్రాంతాల నుంచి భక్తులు రానున్నారు. దీనిని దృష్టిలో పెట్టుకుని ప్రపంచస్థాయి బస్స్టేషన్ నిర్మించడానికి కేబినెట్ ఆమోదించింది. ఇందుకు అవసరమైన తొమ్మిది ఎకరాల భూమిని సాంస్కృతిక విభాగం.. రవాణా శాఖకు ఇవ్వనుంది. రూ.400 కోట్ల ఖర్చుతో దీనిని నిర్మించనున్నారు."
- సిద్ధార్థనాథ్ సింగ్, రాష్ట్ర కేబినెట్ మంత్రి
అయోధ్య నుంచి అన్ని ప్రధాన నగరాలకు బస్సులు నడపనున్నట్లు సింగ్ తెలిపారు. అలాగే అయోధ్య-సుల్తాన్‌పుర్ రహదారిపై నాలుగు లైన్ల ఫ్లైఓవర్ నిర్మాణ ప్రతిపాదనకు కూడా మంత్రివర్గం ఆమోదం తెలిపిందని పేర్కొన్నారు. రూ.20 కోట్ల వ్యయంతో 1.5 కిలోమీటర్ల ప్లైఓవర్ను నిర్మించనున్నారు.
ఇదీ చూడండి: అయోధ్య ఆలయ భూమిపై వివాదం- అవినీతి నిజమేనా?
