ఉత్తర్ప్రదేశ్ అయోధ్యలో విషాదం జరిగింది. రెండు కుటుంబాలకు చెందిన 15 మంది సరయూ నదిలో నీట మునిగారు. ఈ ఘటనలో ఆరుగురు ప్రాణాలు కోల్పోగా.. ముగ్గురిని అధికారులు రక్షించారు. మరో ముగ్గురు గల్లంతు కాగా.. వారికోసం గాలింపు చర్యలు కొనసాగుతున్నాయి.
ఎలా జరిగింది?
ఆగ్రా నుంచి రెండు కుటుంబాలకు చెందిన 15 మంది.. అయోధ్య పర్యటనకు వచ్చారు. సరయూ నది గుప్తార్ ఘాట్ వద్ద శుక్రవారం.. స్నానం చేసేందుకు వారంతా నీటిలో దిగారు. అయితే.. వారిలో ఓ మహిళ నీట మునగగా.. ఆమెను కాపాడేందుకు ప్రయత్నించే క్రమంలో 15 మంది నీట మునిగారు. అయితే.. అందులో ముగ్గురు వ్యక్తులు తమంతట తాముగా ఈత కొడుతూ ఒడ్డుకు చేరుకున్నారు.
జిల్లా మేజిస్ట్రేట్ అనూజ్ కుమార్ ఝా, సీనియర్ సూపరింటెండెంట్ ఆఫ్ పోలీస్ శైలేష్ పాండే ఘటనాస్థలికి చేరుకున్నారు. ప్రాణాలతో బయటపడిన వారిని ఆస్పత్రికి తరలించారు. గల్లంతైన వారికోసం ఎస్డీఆర్ఎఫ్, ఎన్డీఆర్ఎప్, పీఏసీ బృందాలు సహాయక చర్యల్లో నిమగ్నమయ్యాయని ఎన్డీఆర్ఎఫ్ కమాండర్ వినయ్ కుమార్ తెలిపారు.
ఇదీ చూడండి: Live video: అదుపు తప్పి లోయలో పడ్డ ట్రక్కు
ఇదీ చూడండి: ఆన్లైన్ గేమ్ కోసం అమ్మ నగలనే..
