భారత దేశ ప్రధానమంత్రి నరేంద్ర మోదీతో బ్రిటన్ ప్రధాని బోరిస్ జాన్సన్.. మంగళవారం వర్చువల్గా భేటీకానున్నారు. ఈ విషయాన్ని డౌనింగ్ స్ట్రీట్ వర్గాలు వెల్లడించాయి. ఇరు దేశాల మధ్య మైత్రిని మరింత బలోపేతం చేసే విధంగా ఈ భేటీ జరగనుందని పేర్కొన్నాయి.
కొవిడ్పై పోరు...
భారత్లో కరోనా విజృంభిస్తున్న తరుణంలో దేశానికి మరింత సహాయం చేసేందుకు బ్రిటన్ చర్యలు చేపట్టింది. బ్రిటన్ నుంచి 1000కిపైగా వెంటిలేటర్లను పంపించనున్నట్టు పేర్కొంది.
495 ఆక్సిజన్ కాన్సెంటేటర్లు, మూడు ఆక్సిజన్ జెనరేటర్ యూనిట్లను భారత్కు అందించనున్నట్టు ఇప్పటికే ప్రకటించింది.
"మంగళవారం.. భారత ప్రధాని మోదీతో బోరిస్ వర్చువల్గా సమావేశమవుతారు. ఇరు దేశాల బంధాన్ని బలోపేతం చేసే దిశగా భారీస్థాయిలో ఒప్పందాలు ఉంటాయి. కరోనాపై పోరు గురించి కూడా చర్చిస్తారు. ఇరు దేశాలు కలిసి పనిచేయడం వల్ల కలిగే లాభాలను ప్రధాని బోరిస్ వివరిస్తారు."
--- డౌనింగ్ స్ట్రీట్ ప్రకటన.
మిత్రపక్షమైన భారత్కు బ్రిటన్ ఎప్పుడు అండగా నిలుస్తుందని బోరిస్ ఇప్పటికే ఓ ప్రకటనలో తెలిపారు.
ఇదీ చూడండి:- భారత్కు అండగా.. సైకిల్పై 'లండన్ టూ దిల్లీ'!
