Uganda woman with heroin: మాదకద్రవ్యాల అక్రమ రవాణాపై పోరాటంలో కస్టమ్స్ అధికారులు మరో కీలక విజయం సాధించారు. దిల్లీ ఇందిరా గాంధీ అంతర్జాతీయ విమానాశ్రయంలో నిర్వహించిన తనిఖీల్లో ఉగాండా నుంచి వచ్చిన మహిళ బ్యాగులో రూ.14కోట్లు విలువ చేసే హెరాయిన్ను గుర్తించారు. వెంటనే ఆమెను అరెస్టు చేశారు.
ఐజీఐ ఎయిర్పోర్టు టర్మినల్ 3లో ల్యాండ్ అయిన అంతర్జాతీయ విమానం నుంచి దిగిన ఓ మహిళ వద్ద అనుమానాస్పద బ్యాగును గుర్తించి తనిఖీలు చేసినట్లు కస్టమ్స్ అధికారులు వెల్లడించారు. బ్యాగును తెరిచి చూస్తే 2కేజీల 20 గ్రాముల పౌడర్ ఉన్నట్లు చెప్పారు. దాన్ని పరీక్షిస్తే హెరాయిన్ అని తేలినట్లు పేర్కొన్నారు. ఆ ఉగాండా మహిళపై వెంటనే ఎన్డీపీఎస్ చట్టం కింద కేసు నమోదు చేసి అదుపులోకి తీసుకున్నట్లు తెలిపారు.
ఇదీ చదవండి: నడిరోడ్డుపై మహిళ ముందు పాడు పని- హెడ్ కానిస్టేబుల్పై వేటు
