ఈ రోజు రాశిఫలాల గురించి డాక్టర్‌ శంకరమంచి శివసాయి శ్రీనివాస్ ఏమన్నారంటే..
మేషం :
మీ మీ రంగాల్లో జాగ్రత్తగా పనిచేయాలి. ముఖ్య విషయాల్లో కుటుంబ సహకారం ఉంటుంది. కీలక విషయాల్లో ఇబ్బందులు ఎదురయ్యే అవకాశం ఉంటుంది కనుక వాటిని కొన్నాళ్లు వాయిదా వేసుకుంటేనే మంచిది. ప్రయాణాలు ఫలిస్తాయి. ఇష్ట దైవారాధన మేలు.
వృషభం :
మంచి ఫలితాలు పొందేందుకు సరైన అవకాశం. మానసిక ప్రశాంతత ఉంటుంది. తలపెట్టిన పనిలో ఆత్మీయుల సహకారం అందుతుంది. బంధువులతో మేలు జరుగుతుంది. ఆధ్యాత్మిక విషయాల్లో చురుగ్గా పాల్గొంటారు. ఇష్టదేవాన్ని ప్రార్థిస్తే మంచిది.
మిథునం :
మొదలుపెట్టిన పనుల్లో కొన్ని ఆటంకాలు ఎదురైనా.. వాటిని అధిగమించే ప్రయత్నం చేస్తారు. ఇతరుల వ్యవహారాల్లో జోక్యం చేసుకోకపోవడమే మంచిది. సుబ్రహ్మణ్య స్తోత్రాన్ని పఠించడం వలన శుభం కలుగుతుంది.
కర్కాటకం :
మనోధైర్యంతో చేసే పనులు వెంటనే సిద్ధిస్తాయి. ఇష్టులతో కాలాన్ని గడుపుతారు. ముఖ్య వ్యవహారాల్లో ఆచితూచి వ్యవహరించాలి. నూతన వస్తుప్రాప్తి కలదు. గణపతి సందర్శనం మంచినిస్తుంది.
సింహం :
అనుకూల ఫలితాలు కలవు. కొత్త పనులను ప్రారంభిస్తారు. పెద్దల ఆశీర్వచనాలు ఫలిస్తాయి. సమస్య అనిపిస్తే నిర్లక్ష్యం చేయవద్దు. బంధువులతో జాగ్రత్తగా వ్యవహరించాలి. ప్రయాణాలు అనుకూలిస్తాయి. శివారాధన మంచిది.
కన్య :
మీ నిజాయితీ మిమ్మల్ని కాపాడుతుంది. కుటుంబ సభ్యుల సహకారం లభిస్తుంది. ఒక శుభవార్త ఆనందాన్నిస్తుంది. మొహమాటాన్ని దరిచేరనీయకండి. ప్రయాణాలు ఫలిస్తాయి. శ్రీరామ నామాన్ని జపిస్తే మేలు జరుగుతుంది.
తుల :
శుభకార్యాల్లో పాల్గొంటారు. కుటుంబ సభ్యుల నుంచి సంపూర్ణ సహకారం లభిస్తుంది. అవసరానికి తగిన సహకారం లభిస్తుంది. ఒక శుభవార్త మీ ఆత్మవిశ్వసాన్ని పెంచుతుంది. సూర్యాష్టకం చదివితే బాగుంటుంది.
వృచ్చికం :
స్థిరమైన నిర్ణయాల్లో ఫలితాలు అనుకూలంగా ఉన్నాయి. తోటివారి సహాయ సహకారాలుంటాయి. బంధువులతో ఆనందాన్ని పంచుకుంటారు. ప్రయాణాలు అనుకూలిస్తాయి. శ్రీ విష్ణు నామాన్ని పఠించడం మంచిది.
ధనుస్సు :
ఒక శుభవార్త మీ ఇంట్లో సంతోషాన్ని నింపుతుంది. ప్రయత్న కార్యసిద్ధి ఉంది. ఒక ముఖ్య వ్యవహరంలో ఆర్థిక సాయం అందుతుంది. అనుకున్న పనులు పూర్తవుతాయి. కొన్ని వ్యవహారాల్లో ధైర్యంగా వ్యవహరించి అందరి ప్రశంసలు అందుకుంటారు. ఇష్టదేవారాధన మేలు.
మకరం :
మీ మీ రంగాల్లో జాగ్రత్తగా పనిచేయాలి. ఆత్మవిశ్వాసం సడలకుండా జాగ్రత్తపడాలి. చేపట్టిన పనుల్లో కొన్ని ఆటంకాలు ఎదురవుతాయి. అనవసరంగా ఖర్చులు పెరిగే అవకాశం ఉంది. నిర్ణయాల్లో స్థిరత్వం ఉండదు. కలహాలకు దూరంగా ఉండాలి. శని శ్లోకం పఠిస్తే మంచిది.
కుంభం :
చేపట్టే పనుల్లో ఆటంకాలు ఎదురుకాకుండా చూసుకోవాలి. మానసిక ఉల్లాసాన్ని కలిగించే సంఘటనలు చోటుచేసుకుంటాయి. ఉత్సాహకరమైన వాతావరణం ఉంటుంది. ఇష్టదైవాన్ని ప్రార్థించడం వలన శుభఫలితాలు పొందుతారు.
మీనం :
మీ మీ రంగాల్లో విజయసిద్ధి ఉంది. ఒక విషయంలో సంతోషాన్ని పొందుతారు. ఆర్థికపరంగా మేలు జరుగుతుంది. కుటుంబ సభ్యుల సహకారం లభిస్తుంది. శ్రీ వేంకటేశ్వర స్వామి ఆరాధనా శుభప్రదం.
