అసోంలోని కాజీరంగా జాతీయపార్క్లో 10ఏళ్ల వయసు ఉండే రాయల్ బెంగాల్ టైగర్ మృత్యువాత పడింది. ప్రమాదవశాత్తు గార్డు తుపాకీ నుంచి వచ్చిన తూటా పులికి తగలడం వల్ల.. అది అక్కడికక్కడే మరణించింది. ఇందుకుగాను అటవీ సిబ్బందిని ఉన్నతాధికారులు విధుల నుంచి తొలగించారు.
ఇదీ జరిగింది...
ఈ నెల 18న పార్క్ సమీప ప్రాంతమైన జపోరిపాథర్లో చనిపోయిన రాయల్ బెంగాల్ టైగర్ కళేబరాన్ని అటవీ అధికారులు స్వాధీనం చేసుకున్నారు. ఈ నేపథ్యంలో విచారణ చేపట్టారు.
రాయల్ బంగాల్ టైగర్.. స్థానిక గ్రామాల్లో ఉన్న పశువులను వేటాడి చంపేది. దీంతో అప్రమత్తమైన సిబ్బంది పులిని జనావాసాల్లోకి రాకుండా చేయడానికి ప్రయత్నించారు. ఈ క్రమంలో వారు దానిని తుపాకీతో భయపెట్టాలని చూశారు. ఈ క్రమంలో మిస్ఫైర్ అయి పులికి బులెట్ తగిలిందని, దీంతో అది1 అక్కడికక్కడే మరణించినట్లు పార్క్ డైరెక్టర్ శివకుమార్ తెలిపారు.
నెల వ్యవధిలో కాజీరంగా జాతీయపార్క్ పరిధిలో పులులు చనిపోవడం ఇది రెండోసారి. ఈ నెల 5వ తేదీన పార్క్ అధికారులు ఆడపులి మృతదేహాన్ని స్వాధీనం చేసుకున్నారు.
ఇదీ చూడండి: నిర్లక్ష్యంతోనే మూడోదశ ప్రమాదం.. జాగ్రత్తలేవి?
