హరియాణా గురుగ్రామ్లోని ఖావస్పుర్ గ్రామంలో విషాదం జరిగింది. ఆదివారం రాత్రి మూడంతస్తుల భవనం కుప్పకూలింది. ఈ ఘటనలో ముగ్గురు మృతి చెందారు. గాయపడిన ఒకరిని ఆస్పత్రికి తరలించారు.
మరో ముగ్గురు కూలీలు శిథిలాల కింద చిక్కుకుపోయినట్లు తెలుస్తోంది. వారిని బయటకు తీసేందుకు విపత్తు నిర్వహణ బృందం, పోలీసులు సహాయక చర్యలను ముమ్మరం చేశారు.
మొత్తం 19 మంది కూలీలు ఈ భవనంలో నివసిస్తున్నట్లు మానేసర్ డీసీపీ వరుణ్ సింగ్లా తెలిపారు. ఘటనా సమయంలో భవనంలో ఆరుగురు ఉన్నట్లు పేర్కొన్నారు.
భవనం కుప్పకూలటానికి గల కారణాలు ఇంకా తెలియాల్సి ఉందన్నారు.
ఇదీ చదవండి: నది మధ్యలో చిక్కుకున్న కూలీలు- అతికష్టం మీద...
