భారత్​కు చేరిన మరో 3 రఫేల్​ యుద్ధ విమానాలు

రఫేల్​ యుద్ధ విమానాల రాకతో భారత వాయుసేన సామర్థ్యం మరింత పెరిగింది. నాలుగో బ్యాచ్​లో భాగంగా 3 రఫేల్​ జెట్స్​ భారత్​కు చేరుకున్నాయి. నెలరోజుల్లోనే మరో 7 యుద్ధవిమానాలు భారత్​కు రానున్నాయి.

ఫ్రాన్స్​ నుంచి మరో 3 రఫేల్​ యుద్ధ విమానాలు బుధవారం సాయంత్రం భారత్​కు చేరుకున్నాయి. నాలుగో దశలో భాగంగా ఫ్రాన్స్​లోని ఐస్ట్రెస్​ ఎయిర్​ బేస్​ నుంచి ఎక్కడా ఆగకుండా నేరుగా భారత్​లో అడుగుపెట్టాయి. ఈ క్రమంలో మార్గమధ్యలో యునైటెడ్​ అరబ్​ ఎమిరేట్స్​ వాయుసేన ట్యాంకర్లు గాలిలోనే రఫేల్​ జెట్లకు ఇంధనం నింపాయి. ఇది ఇరు దేశాల బలమైన సంబంధాలను సూచిస్తోందని పేర్కొంది భారత వాయుసేన.

• Rafales were refuelled in-flight by UAE Air Force tankers. This marks yet another milestone in the strong relationship between the two Air Forces: Indian Air Force pic.twitter.com/pg5iFxxTPa

  — ANI (@ANI) March 31, 2021 " class="align-text-top noRightClick twitterSection" data="

  Rafales were refuelled in-flight by UAE Air Force tankers. This marks yet another milestone in the strong relationship between the two Air Forces: Indian Air Force pic.twitter.com/pg5iFxxTPa

  — ANI (@ANI) March 31, 2021

  ">

  Rafales were refuelled in-flight by UAE Air Force tankers. This marks yet another milestone in the strong relationship between the two Air Forces: Indian Air Force pic.twitter.com/pg5iFxxTPa

  — ANI (@ANI) March 31, 2021

" ఫ్రాన్స్​లోని ఐస్ట్రెస్​ ఎయిర్​ బేస్​ నుంచి నేరుగా భారత భూభాగంలో అడుగుపెట్టాయి నాలుగో దశ రఫేల్​ యుద్ధ విమానాలు. మార్గ మధ్యలో రఫేల్​కు ఇంధనం నింపిన యూఏఈ వాయుసేనకు కృతజ్ఞతలు. ఇరు దేశాల వాయుసేనల మధ్య సంబంధాల్లో ఇదో కీలక మైలురాయి. "

- భారత వాయుసేన.

అయితే.. ఈ రఫేల్​ యుద్ధ విమానాలు ఎక్కడ ల్యాండ్​ అయ్యాయనేది వెల్లడించలేదు.

రఫేల్​ యుద్ధ విమానాలు

భారత అమ్ములపొదిలో 14 రఫేల్​లు

తాజాగా మూడు రఫేళ్ల రాకతో.. మొత్తం భారత్​కు చేరుకున్న విమానాల సంఖ్య 14కు చేరుకుంది.

ఫ్రాన్స్​ నుంచి 36 రఫేల్​ యుద్ధ విమానాల కొనుగోలుకు రూ.59వేల కోట్ల విలువైన ఒప్పందం చేసుకుంది భారత్​. సుమారు నాలుగేళ్ల తర్వాత గతేడాది జులై 29న తొలి బ్యాచ్​లో 5 రఫేల్​లు భారత్​కు చేరుకున్నాయి. సెప్టెంబర్​ 10న వాయుసేన అమ్ములపొదిలో చేరాయి.

రెండో బ్యాచ్​ 2020, నవంబర్​ 3న మూడు రఫేల్​లు భారత్​కు చేరుకున్నాయి. మూడో బ్యాచ్​లో మరో 3 రఫేల్​లు 2021, జనవరి 27న వాయుసేనలో చేరాయి. మరో నెల రోజుల్లో 7 రఫేల్​లు భారత్​కు చేరనున్నాయి.

తొలి రఫేల్​ స్క్వాడ్రాన్​ను హరియాణాలోని అంబాలాలో ఏర్పాటు చేశారు. రెండో స్క్వాడ్రాన్​ను బంగాల్​లోని బసిమారాలో ఏర్పాటు చేసేందుకు ప్రణాళికలు చేస్తోంది వాయుసేన.

ఇదీ చూడండి: భారత్​కు మరో 10 రఫేల్​ యుద్ధ విమానాలు