మహారాష్ట్ర ముంబయిలో.. కొత్తగా నిర్మిస్తున్న నవీ ముంబయి(Navi Mumbai) అంతర్జాతీయ విమానాశ్రయానికి స్థానిక దివంగత నేత డీబీ పాటిల్ పేరు పెట్టాలంటూ వేలాదిమంది పెద్ద ఎత్తున ఆందోళనకు దిగారు. ఆగస్టు 15 కల్లా ఈ నిర్ణయం తీసుకోవాలని డిమాండ్ చేశారు. రాయ్గఢ్, థానే, పాలగఢ్కు చెందిన వేల మంది సీబీడీ బేలాపుర్లో ఆందోళనలు చేపట్టారు.
దాదాపు 10,000 మందికి పైగా నిరసనకారులు ప్రభుత్వ రంగ సిటీ అండ్ ఇండస్ట్రియల్ డెవలప్మెంట్ కార్పొరేషన్కు వ్యతిరేకంగా నినాదాలు చేశారు. నూతన విమానాశ్రయానికి శివసేన దివంగత బాల్ ఠాక్రే పేరు పెట్టకూడదని డిమాండ్ చేశారు. అయితే.. ఈ ఆందోళనలో భాజపా కార్యకర్తలతో పాటు కాంగ్రెస్ కార్యకర్తలూ పాల్గొనడం గమనార్హం.
ఇదీ చదవండి:'భాజపాతో రాజీ మేలు'- ఆ సీఎంకు ఎమ్మెల్యే లేఖ
