Mann Ki Baat: 'అదే ధ్యాన్​ చంద్​కు ఇచ్చే గొప్ప నివాళి'

క్రీడల పట్ల చూపించే అభిరుచే మేజర్​ ధ్యాన్​ చంద్​కు ఇచ్చే గొప్ప నివాళి అని పేర్కొన్నారు ప్రధానమంత్రి నరేంద్ర మోదీ. 80వ మన్​ కీ బాత్​ కార్యక్రమంలో భాగంగా పలు అంశాలపై మాట్లాడారు. మధ్యప్రదేశ్​లోని ఇందోర్​ నగరంపై ప్రశంసలు కురిపించారు.

జాతీయ క్రీడా దినోత్సవం సందర్భంగా హాకీ దిగ్గజం మేజర్​ ధ్యాన్​ చంద్​కు నివాళులర్పించారు ప్రధానమంత్రి నరేంద్ర మోదీ. క్రీడల పట్ల దేశ యువత చూపించే ప్రేమే ఆయనకు ఇచ్చే గొప్ప నివాళిగా పేర్కొన్నారు.

80వ మన్ కీ బాత్​(మనసులో మాట) కార్యక్రమంలో పలు అంశాలపై మాట్లాడారు ప్రధాని మోదీ.

"హాకీలో 40 ఏళ్ల తర్వాత ఈ ఏడాది ఒలింపిక్స్​ పతకం సాధించాం. ఈ రోజు మేజర్​ ధ్యాన్​చంద్​ ఎంత సంతోషించేవారో ఓసారి ఊహించండి. ఆటల పట్ల దేశ యువత కనబరుస్తున్న ఆసక్తి, ప్రేమను మనం చూస్తున్నాం. క్రీడల పట్ల ఉన్న ఈ అభిరుచే మేజర్​ ధ్యాన్​ చంద్​కు ఇచ్చే గొప్ప నివాళి. ఈ వేగాన్ని మనం ఆపకూడదు. గ్రామాలు, పట్టణాలు, నగరాల్లో ఉన్న క్రీడామైదానాలు నిండిపోవాలి. అందరి భాగస్వామ్యంతోనే భారత్​ క్రీడల్లో ఉన్నత శిఖరాలకు చేరుతుంది."

- నరేంద్ర మోదీ, ప్రధానమంత్రి.

ఇందోర్​పై ప్రశంసలు..

మధ్యప్రదేశ్​లోని ఇందోర్​ స్వచ్ఛతలో చాలా ఏళ్లుగా తొలిస్థానంలో కొనసాగుతోందని కొనియాడారు మోదీ. తమ నగరాన్ని వాటర్​ ప్లస్​ సిటీగా మార్చుకున్నారని పేర్కొన్నారు. మన దేశంలో స్వచ్ఛతతో చాలా నగరాలు 'వాటర్​ ప్లస్'​గా మారతాయని సూచించారు.