కొవిడ్ కేసులు తగ్గినట్టే తగ్గి.. మళ్లీ పెరుగుతుండటం వల్ల కఠిన నిబంధనలు అమలు చేస్తోంది కేరళ. ఈ క్రమంలో ఈనెల 24, 25తేదీల్లో (శని, ఆదివారాలు) సంపూర్ణ లాక్డౌన్ విధిస్తున్నట్టు ఆ రాష్ట్ర సర్కారు ప్రకటించింది. దీనికి కూడా జూన్ 12,13 తేదీల్లో విధించిన లాక్డౌన్ మార్గదర్శకాలే వర్తిస్తాయని పేర్కొంది. ఈ మేరకు ఉత్తర్వులను జారీ చేసింది. బ్యాంకులు, ఇతర ఆర్థిక సంస్థలు సైతం మూసివేయనున్నట్లు ప్రకటించింది. వివిధ ప్రాంతాల్లో నమోదవుతున్న పాజిటివిటీ రేటు ఆధారంగా ఆంక్షలు కొనసాగుతాయని పేర్కొంది.
ఈ నెల 23 తేదీన రాష్ట్ర వ్యాప్తంగా మూడు లక్షల కొవిడ్ నమూనాలను పరీక్షించాలని లక్ష్యంగా పెట్టుకుంది. ఏడో రోజు సగటు పాజిటివిటీ రేటు 10 శాతం కంటే ఎక్కువగా నమోదవుతున్న జిల్లాలపై ప్రధానంగా దృష్టి సారించనున్నట్లు తెలిపింది.
ఇదీ చూడండి: అప్పటివరకు ఎర్రకోట బంద్- కారణమిదే..
