పెళ్లి బృందాన్ని వీడని వాన- రెండు రోజులు అక్కడే!

ఉత్తర్​ప్రదేశ్​లోని ఓ పెళ్లి బృందానికి వింత అనుభవం ఎదురైంది. పెళ్లికోసమని వరుడితో పాటు వధువు ఇంటికి వెళ్లగా.. వెంటనే భారీ వర్షం కురిసింది. దాంతో రెండు రోజులూ గ్రామంలోనే చిక్కుకుపోయారు. పెళ్లై, వర్షం నిలిచాక బయలుదేరగా..ఓ గ్రామం దాటుతుండగా మళ్లీ వర్షం కురిసింది.

ఉత్తర్​ప్రదేశ్ శ్రావస్తిలో భారీ వర్షం వల్ల ఓ పెళ్లి బృందం తీవ్రం ఇబ్బందులు పడింది. వరుడి తరపు బంధువులు పెళ్లికుమారుడితో కలిసి.. ధోబియాన్​ పూర్వ గ్రామం వధువు ఇంటికి వెళ్లారు. గ్రామంలో అడుగుపెట్టారో.. లేదో.. వెంటనే భారీ వర్షం మొదలైంది. ఎలాగోలా వర్షంలోనే పెళ్లి జరిపించారు.

వాన నిలిచాక తిరిగి వెళుతుండగా హతియకుందా గ్రామం వద్దకు చేరుకోగానే మళ్లీ వర్షం మొదలైంది. ఆ ఊరిని దాటాలంటే కాలువ దాటాలి. కానీ కాలువ పొంగిపొర్లుతోంది. సమాచారం తెలుసుకున్న గ్రామసర్పంచ్​ స్థానికుల సాయంతో వారిని కాలువ దాటించారు. ఈ క్రమంలో కొందరు పెళ్లివారు ఈదుకుంటూ కాలువ దాటిన పరిస్థితి నెలకొంది.

ఇదీ చదవండి: భారీ అలలు.. అంతా చూస్తుండగానే మునిగిన పడవ