బంగాల్ అసెంబ్లీలో ప్రతిపక్ష నేతగా సువేందు!

నందిగ్రామ్ ఎమ్మెల్యే సువేందు అధికారి బంగాల్​ అసెంబ్లీలో ప్రతిపక్ష నేతగా వ్యవహరించనున్నారు. ఈమేరకు భాజపా అధిష్ఠానం నిర్ణయం తీసుకున్నట్టు తెలిసింది. ఒకటి రెండు రోజుల్లో దీనిపై అధికారిక ప్రకటన వెలువడనుంది.

బంగాల్​లో 77 అసెంబ్లీ స్థానాలను గెలుచుకొని ప్రధాన ప్రతిపక్షంగా అవతరించిన భాజపాకు.. అసెంబ్లీలో సువేందు అధికారి సారథ్యం వహించనున్నారు.

ప్రతిపక్ష నేత రేసులో పార్టీలో సీనియర్ నేతలు ఉన్నప్పటికీ నందిగ్రామ్​లో దీదీని ఓడించిన సువేందు వైపే భాజపా అధిష్ఠానం మొగ్గుచూపినట్లు తెలుస్తోంది. ఒకటి రెండు రోజుల్లో భాజపా బంగాల్ విభాగం సువేందు పేరును అధిరారికంగా ప్రకటించే అవకాశం ఉంది.

ఇదీ చదవండి: దిల్లీలో మరోవారం పాటు లాక్​డౌన్ పొడిగింపు