అధిక బరువుతో ఇబ్బంది పడుతూ బేరియాట్రిక్ సర్జరీ చేయించుకున్న వారి గురించి వినే ఉంటారు. అయితే తాజాగా ఓ శునకానికి ఆ తరహా ఆపరేషన్ చేయటం విశేషం. పుణెకు చెందిన యాస్మిన్ దారువాలా ఓ శునకాన్ని పెంచుకుంటున్నారు. ఆమె దానికి దీపిక అనే పేరు పెట్టుకున్నారు. దీపిక బరువు పెరిగి 50 కిలోలకు చేరుకోగా.. శ్వాస తీసుకోవడానికి ఇబ్బంది పడుతూ ఉండేది.
జంతువైద్య నిపుణుడు డాక్టర్ నరేంద్ర పరదేశీ ఆ శునకాన్ని పరిశీలించి శస్త్రచికిత్స చేయాలని సూచించారు. దానివల్ల శునకం బరువు తగ్గి సమస్య తొలగుతుందని చెప్పారు. ఆపరేషన్ తర్వాత దీపిక 5 కిలోల బరువు తగ్గింది. శునకానికి బరువును తగ్గించే సర్జరీ చేయటం.. దేశంలో ఇదే తొలిసారని ఆయన తెలిపారు.
ఇదీ చూడండి: చనిపోయిన యజమాని ఫొటో చూస్తూ విలపిస్తున్న శునకం
ఇదీ చూడండి: Dog Show: శునకాల విన్యాసాలు అదుర్స్!
