వివాదస్పద ఖలిస్థాన్ ట్వీట్పై నమోదైన ఎఫ్ఐఆర్లపై వివరణ ఇవ్వాలంటూ కేంద్ర, రాష్ట్ర ప్రభుత్వాలకు నోటీసులు జారీ చేసింది సుప్రీం కోర్టు. ఈ జాబితాలో కేంద్ర హోంశాఖ సహా కర్ణాటక, అసోం, హరియాణా, ఆంధ్రప్రదేశ్, అరుణాచల్ ప్రదేశ్, మహారాష్ట్ర, ఒడిశా, దిల్లీ ఉన్నాయి.
ట్విట్టర్ వినతి..
ఒకే అంశంపై దాఖలైన వివిధ ఎఫ్ఐఆర్లను ఉపసంహరించుకోవాలని ట్విట్టర్.. సుప్రీంను కోరింది. ఎఫ్ఐఆర్లు అన్నింటినీ ఒకే ఫిర్యాదు కింద పరిగణించి విచారణ జరపాలని విజ్ఞప్తి చేసింది. దీనిపై ప్రధాన న్యాయమూర్తి జస్టిస్ ఎస్ఏ బోబ్డే ఆధ్వర్యంలోని ధర్మాసనం ఆదేశాలు జారీ చేసింది. కేంద్ర, రాష్ట్ర ప్రభుత్వాలు సహా ఫిర్యాదు దారులు కూడా వివరణ ఇవ్వాలని స్పష్టం చేసింది. ఖలిస్థాన్ ట్వీట్పై ట్విట్టర్కు ముడుపులు అందాయని ఆరోపించిన భాజపా నేత వినీత్ గోయెంకాకు కూడా నోటీసులు జారీ చేసింది.
ఇదీ చూడండి : దుష్ప్రచారాలు నమ్మొద్దు: రైతులకు తోమర్ లేఖ
