spurious liquor deaths: ఉత్తర్ప్రదేశ్లో కల్తీ మద్యం సేవించి అమాయకులు ప్రాణాలు కోల్పోయిన ఘటన మరోమారు వెలుగుచూసింది. ఆజంగఢ్ జిల్లాలోని అహరైలా పోలీస్ స్టేషన్ పరిధిలో కల్తీ మద్యం తాగి ఏడుగురు మృతి చెందారు. మరో 12 మంది తీవ్ర అస్వస్థతకు గురయ్యారు. దీంతో పలు గ్రామాల్లో విషాద ఛాయలు అలుముకున్నాయి.
ఆదివారం సాయంత్రం మహుల్ నగర పంచాయతీలో కల్తీ మద్యం విక్రయించినట్లు తెలిసింది. దీంతో ఆగ్రహించిన గ్రామస్థులు మహుల్లో ఆందోళనకు దిగారు. ఉత్తర్ప్రదేశ్ అసెంబ్లీ ఎన్నికల వేళ కల్తీ మద్యం విక్రయాలు పెరిగాయని, అధికారులు తగిన చర్యలు తీసుకోవాలని డిమాండ్ చేశారు.
అధికారులు కలుగజేసుకుని బాధ్యులపై చర్యలు తీసుకుంటామని హామీ ఇవ్వగా శాంతించారు.
ఇదీ చూడండి: రూ.17లక్షల బంగారం బ్యాగ్ మాయం.. గంటల్లోనే కనిపెట్టిన పోలీసులు
