పంజాబ్లోని రోపర్‌కు చెందిన సాన్వీ సూద్ అనే ఓ ఏడేళ్ల బాలిక చరిత్ర సృష్టించింది. కేవలం తొమ్మిది రోజుల్లోనే ఎవరెస్టు బేస్ క్యాంపునకు చేరుకుంది. ఆ ప్రాంతానికి చేరుకున్న అతిపిన్న వయస్కురాలిగా రికార్డ్ నెలకొల్పి అందరి మన్ననలు పొందుతోంది. 65 కిలోమీటర్ల ట్రాక్లో ఎన్ని అవాంతరాలు ఎదురైన.. బెదరక బేస్ క్యాంప్కు చేరుకుని.. అక్కడ భారత జాతీయ పతాకాన్ని ఎగురవేసింది. విపరీతమైన చలి, బలమైన గాలులను సైతం తట్టుకుంటూ ఈ ప్రయాణాన్ని కొనసాగించింది. ఆక్సిజన్ అంతంత మాత్రంగానే అందినా తన ఎవరెస్ట్ ప్రయాణంలో ఎక్కడా బెదరలేదు.
సాన్వీ సూద్.. మొహలీలోని యాదవీంద్ర స్కూల్‌లో రెండో తరగతి చదువుతోంది. ఎవరెస్టుపై 5,364 మీటర్ల ఎత్తులోని బేస్ క్యాంప్లో ఒక రోజు నివసించాలని బలంకా సంకల్పించుకుంది. అందుకు తగినట్లుగా సన్నద్ధమైన తన ప్రయాణాన్ని సాగించింది. కేవలం తొమ్మిది రోజుల్లోనే అక్కడికి చేరుకుని ఔరా అనిపించింది. సాన్వీ ధైర్య సాహసాలను అందరూ మెచ్చుకుంటున్నారు. ఎన్నో ఇబ్బందులను ఎదుర్కొని తన గమ్యస్థానాన్ని చేరుకున్న సాన్వీని అభినందిస్తున్నారు.
ఇవీ చదవండి: ఒకరితో నిశ్చితార్థం.. మరొకరితో ప్రేమ.. ఇద్దరు బిడ్డలు పుట్టాక ఒకే వేదికపై పెళ్లి
