జమ్ముకశ్మీర్లోని అవంతిపొరాలో ఏడుగురు ఉగ్రవాద అనుచరులను పోలీసులు గురువారం అరెస్టు చేశారు. వారంతా జైష్-ఎ-మహ్మద్ ఉగ్రసంస్థకు చెందినవారని తెలిపారు. సీఆర్పీఎఫ్తో కలిసి ఈ దాడులు నిర్వహించారు పోలీసులు. ఇందులో భాగంగా ఉగ్రసంస్థలో చేరేందుకు యత్నించిన మరో ఆరుగురిని కూడా అడ్డుకున్నట్లు వెల్లడించారు.
పాకిస్థాన్కు చెందిన కొందరు కమాండర్లు ఈ యువతను తప్పుదోవ పట్టించి ఉగ్రవాదులుగా మారేలా ప్రేరేపించినట్లు పోలీసుల ప్రాథమిక దర్యాప్తులో తేలింది. దాంతో పాటే అవంతిపొరా, త్రాల్లోని క్షేత్రస్థాయి ముష్కరులతో సంబంధం ఏర్పరచుకునేలా ప్రోత్సాహించినట్లు అధికారులు తెలిపారు.
ఇదీ చూడండి: భారీ ఉగ్ర కుట్ర భగ్నం- 10 కిలోల ఐఈడీ స్వాధీనం
