దిల్లీలోని ఇందిరా గాంధీ అంతర్జాతీయ(ఐజీఐ) విమానాశ్రయానికి బాంబు బెదిరింపులు వచ్చాయి. ఎయిర్పోర్ట్పై అల్ఖైదా ఉగ్రవాదులు దాడికి పన్నాగం పన్నారని దిల్లీ పోలీసులకు ఈమెయిల్ వచ్చింది. ఈ నేపథ్యంలో విమానాశ్రయం వద్ద భద్రతను కట్టుదిట్టం చేశారు. అన్ని టెర్మినళ్ల వద్ద వాహనాలను తనిఖీ చేశారు. ఏఓఆర్ పెట్రోలింగ్ను ముమ్మరం చేశారు.
అయితే, ఈ బెదిరింపులు అవాస్తవమని విచారణలో తేలినట్లు ఐజీఐ ఏయిర్పోర్ట్ అధికారిక ప్రకటనలో పేర్కొంది. బాంబు స్క్వాడ్ ఎయిర్పోర్ట్ నుంచి వెళ్లిపోయినట్లు తెలిపింది. అయినా.. అదనపు జాగ్రత్తలు తీసుకుంటున్నట్లు స్పష్టం చేసింది.
"అల్ఖైదా ఉగ్రవాదులు ఎయిర్పోర్ట్లో బాంబు దాడికి ప్రణాళికలు రచిస్తున్నారని ఐజీఐ పోలీస్ స్టేషన్ ఎయిర్లైన్ ఆపరేషన్స్ కంట్రోల్ సెంటర్కు శనివారం సమాచారం ఇచ్చింది. కరణ్బిర్ సూరి అలియాస్ మహమ్మద్ జలాల్, అతడి భార్య షేలీ శార్దా అలియాస్ హసీనా సింగపూర్ నుంచి భారత్కు ఆదివారం వస్తున్నారని అందులో పేర్కొన్నారు. 1-3 రోజుల్లో బాంబు దాడి చేస్తామని బెదిరించారు. ఈ బెదిరింపులు అవాస్తవమని రాత్రి 7.18 గంటలకు నిర్ధరణకు వచ్చాం."
-ఐజీఐ ఎయిర్పోర్ట్ ప్రకటన
అయితే, ఇదే జంట పేర్లతో మరికొన్ని బెదిరింపులు ఇటీవల వచ్చినట్లు ఎస్ఓసీసీ అధికారులు గుర్తించారు. జాగ్రత్తగా ఉండాలని సంబంధిత శాఖలకు ఆదేశాలు జారీ చేశారు. ఈ ఘటనపై విచారణ చేపట్టాల్సిందిగా దిల్లీ పోలీసులను ఐజీఐ విమానాశ్రయం కోరింది.
ఇదీ చదవండి: అమితాబ్‌ నివాసానికి బాంబు బెదిరింపు
