బంగాల్​-అసోంలో జోరుగా రెండో దశ పోలింగ్​

అసోం, బంగాల్​లో రెండో విడత ఎన్నికల్లో తమ ఓటు హక్కును వినియోగించుకునేందుకు పోలింగ్​ కేంద్రాలకు ఓటర్లు తరలివెళుతున్నారు. ఉదయం నుంచే పోలింగ్​ కేంద్రాల వద్ద బారులు తీరుతున్నారు. పోలింగ్​ నేపథ్యంలో.. ప్రతి ఒక్కరూ తమ ఓటు హక్కును వినియోగించుకోవాలని ప్రధాన మంత్రి నరేంద్ర మోదీ ట్విట్టర్​​ వేదికగా పిలుపునిచ్చారు.

బంగాల్-అసోంలో రెండో విడత పోలింగ్ జోరుగా సాగుతోంది. ఉదయం 7గంటలకు పోలింగ్​ ప్రారంభం కాగా.. అప్పటి నుంచే ఓటర్లు భారీ సంఖ్యల్లో అనేక పోలింగ్​ కేంద్రాల ముందు బారులు తీరుతున్నారు. తమ ఓటు హక్కును వినియోగించుకునేందుకు.. యువకుల నుంచి వృద్ధుల వరకు క్యూలో నిలబడి ఎదురుచూస్తున్నారు.

అసోంలో పోలింగ్​ కేంద్రం వద్ద ఎదురు చూస్తున్నఓటర్లు

అసోంలో పోలింగ్​

కొవిడ్​ నిబంధనలు- పటిష్ఠ భద్రతా ఏర్పాట్ల మధ్య పోలింగ్​ జరుగుతోంది. ఇందుకోసం అధికారులు అన్ని ఏర్పాట్లు ముమ్మరం చేశారు.

అయితే.. అసోం నగాన్​లోని 26వ పోలింగ్​ కేంద్రం, సిల్చాన్​లోని 146వ పోలింగ్​ కేంద్రంలో ఈవీఎంలు మొరాయించగా పోలింగ్​ ఆలస్యమైంది.

బంగాల్​ నందిగ్రామ్​లో ఓటు హక్కు వినియోగించుకున్న వృద్ధులు

ప్రధాని ట్వీట్​..

రెండో విడత పోలింగ్​ నేపథ్యంలో ప్రధానమంత్రి నరేంద్ర మోదీ ట్వీట్​ చేశారు. అసోంలో ప్రతి ఒక్కరూ తమ ఓటు హక్కును వినియోగించుకోవాలని పిలుపునిచ్చారు. బంగాల్​ ప్రజలు రికార్డు స్థాయిలో ఓట్లు వేయాలని కోరారు.

• Urging the people of West Bengal in whose seats there is polling taking place today to vote in record numbers.

  — Narendra Modi (@narendramodi) April 1, 2021 " class="align-text-top noRightClick twitterSection" data="

  Urging the people of West Bengal in whose seats there is polling taking place today to vote in record numbers.

  — Narendra Modi (@narendramodi) April 1, 2021

  ">

  Urging the people of West Bengal in whose seats there is polling taking place today to vote in record numbers.

  — Narendra Modi (@narendramodi) April 1, 2021

నందిగ్రామ్​లో సువేందు..

బంగాల్​లో నందిగ్రామ్​ నియోజకవర్గ భాజపా అభ్యర్థి సువేందు అధికారి.. తన ఓటు హక్కును వినియోగించుకున్నారు. నందనాయకర్​ ప్రాథమిక పాఠశాలలో 76వ పోలింగ్​ బూత్​లో ఆయన ఓటు వేశారు.​

నందిగ్రామ్​లోని ఓ పోలింగ్​ కేంద్రం వద్ద బారులు తీరిన ఓటర్లు

నందిగ్రామ్​లో ఓటర్ల భారీ క్యూ

అసోంలో 39, బంగాల్​లో 30 అసెంబ్లీ స్థానాలకు ఉదయం 7 గంటల నుంచి సాయంత్రం 6 గంటల వరకు​ పోలింగ్​ జరగనుంది.