రెమ్డెసివిర్ ఇంజక్షన్ కోసం తమిళనాడు చెన్నైలోని జవహర్లాల్ నెహ్రూ స్టేడియంలో జనాలు గుంపులు గుంపులుగా ఎగబడ్డారు. భౌతిక దూరం, కరోనా జాగ్రత్తలు లాంటి నిబంధల్ని ఖాతరు చేయలేదు. రెమ్డెసివిర్ ఇంజక్షన్లు అందుబాటులో ఉంచలేక తమిళనాడు ప్రభుత్వం విఫలమైందని ఓ బాధితుడు ఆరోపించాడు. పదిరోజులనుంచి ఎంత ప్రయత్నించినా ఇంజక్షన్ లభించలేదని వాపోయాడు. ఈ చిత్రం చూస్తే రెమ్డెసివిర్ ఇంజక్షన్లు దొరక్క జనాలు ఎలా అవస్థలు పడుతున్నారో అర్థం అవుతుంది.
"నా కుటుంబం అంతా ఆసుపత్రిలో ఉంది. గత పదిరోజులుగా రెమ్డెసివిర్ ఇంజక్షన్ కోసం ప్రయత్నిస్తూనే ఉన్నాను. కానీ ఇంతవరకు నాకు లభించలేదు. ప్రభుత్వం బెడ్నైతే ఏర్పాటు చేయగలిగింది కానీ రెమ్డెసివిర్ను అందుబాటులో ఉంచలేకపోయింది."
-స్థానికుడు
గూండా యాక్ట్
రెమ్డెసివిర్ ఇంజక్షన్లను, ఆక్సిజన్ సిలిండర్లను నిల్వ ఉంచినా, ప్రభుత్వం ప్రకటించిన ధరలకంటే ఎక్కువకు అమ్మిన వారిపై గూండా యాక్ట్ కింద కేసు నమోదు చేసి అరెస్టు చేస్తామని తమిళనాడు సీఎం స్టాలిన్ హెచ్చరించారు. కొన్ని ప్రాంతాల్లో ఆక్సిజన్ సిలిండర్లు, రెమ్డెసివిర్ ఇంజక్షన్లను అధిక ధరలకు అమ్ముతున్నారని ఫిర్యాదులు వచ్చాయని, అందుకే ఈ చట్టాన్ని అమలు చేయాల్సి వస్తోందన్నారు.
సీఎం ఆదేశాలతో పోలీసులు చర్యలకు ఉపక్రమించారు. బ్లాక్లో, ఎక్కువ ధరలకు ఆక్సిజన్ సిలిండర్లను, రెమ్డెసివిర్ ఇంజక్షన్లను అమ్ముతున్న చాలా మందిని అరెస్టు చేశారు.
ఇదీ చదవండి: 'స్టిరాయిడ్ల దుర్వినియోగమే.. బ్లాక్ ఫంగస్కు కారణం'
