Supreme court on GATE: గేట్-2022 పరీక్షను వాయిదా వేయాలంటూ దాఖలైన పిటిషన్ను సుప్రీంకోర్టు తిరస్కరించింది. పరీక్షలు షెడ్యూల్ ప్రకారమే జరుగుతాయని స్పష్టం చేసింది. 48 గంటల ముందు పరీక్షను వాయిదా వేసి విద్యార్థుల జీవితాలతో ఆడుకోలేమని తేల్చిచెప్పింది.
గేట్ పరీక్షకు దాదాపు 9 లక్షల మంది విద్యార్థులు హాజరుకానున్నారు. అయితే వీరిలోని 20వేల మంది విదార్థులకుపైగా పరీక్షను వాయిదా వేయాలని ఆన్లైన్ పిటిషన్లో సంతకాలు చేశారు. దీని ఆధారంగా సుప్రీంలో వ్యాజ్యం దాఖలైంది. అయితే ఈ విషయంలో తాము జోక్యం చేసుకోలేమని అత్యున్నత ధర్మాసనం స్పష్టం చేసింది. పరీక్ష వాయిదా వేస్తే విద్యార్థులు తీవ్ర ఆందోళనకు గురవుతారని తెలిపింది.
గేట్ పరీక్ష నిర్వహణకు జాతీయ పరీక్షల నిర్వహణ సంస్థ ఏర్పాట్లు చేసింది. దేశవ్యాప్తంగా 200పైగా కేంద్రాల్లో ఫిబ్రవరి 5, 6, 12,13 తేదీల్లో పరీక్షలు జరగనున్నాయి.
ఇదీ చదవండి: దారుణం.. నాలుగేళ్ల చిన్నారిపై సొంత మామ అత్యాచారం!
