SBI Recruitment 2023 : భారత్లోని అతిపెద్ద ప్రభుత్వ రంగ బ్యాంక్ అయిన స్టేట్ బ్యాంక్ ఆఫ్ ఇండియా.. తమ సంస్థలోని పలు ఉద్యోగాలను భర్తీ చేసేందుకు సిద్ధమైంది. అందులో భాగంగా మొత్తం 442 మేనేజర్, స్పెషలిస్ట్ కేడర్ ఆఫీసర్ ఉద్యోగాలను భర్తీ చేసేందుకు నోటిఫికేషన్ విడుదల చేసింది. ఈ ఉద్యోగాలకు కావలసిన అర్హతలు, ఎంపిక విధానం, ముఖ్యమైన తేదీలు తదితర పూర్తి వివరాలు గురించి ఇప్పుడు తెలుసుకుందాం.
పోస్టుల వివరాలు..
- మొత్తం పోస్టుల సంఖ్య - 442
- ఉద్యోగ స్థాయి - మేనేజర్, స్పెషలిస్ట్ క్యాడర్ ఆఫీసర్
విద్యార్హతలు
అభ్యర్థులు గుర్తింపు పొందిన విశ్వవిద్యాలయం లేదా విద్యాసంస్థ నుంచి బీఈ/ బీటెక్ లేదా ఎంఈ/ ఎంటెక్ లేదా ఎంఎస్సీ లేదా ఎంసీఏ చేసి ఉండాలి. ఇంకా మేనేజర్, స్పెషలిస్ట్ క్యాడర్ ఆఫీసర్లకు సంబంధించిన పూర్తి విద్యార్హతలు, వయోపరిమితి వివరాల కోసం ఎస్బీఐ అధికారిక నోటిఫికేషన్ను చూడండి.
అప్లికేషన్ ఫీజు
- జనరల్/ఓబీసీ/ఈడబ్ల్యూఎస్ అభ్యర్థులు అప్లికేషన్ ఫీజుగా రూ.750 చెల్లించాలి.
- ఎస్సీ/ ఎస్టీ/ దివ్యాంగులు ఎటువంటి ఫీజు చెల్లించాల్సిన అవసరం లేదు.
- డెబిట్ కార్డ్, క్రెడిట్ కార్డ్, ఇంటర్నెట్ బ్యాంకింగ్ ద్వారా దరఖాస్తు ఫీజులను చెల్లించాల్సి ఉంటుంది.
ఎంపిక విధానం..
SBI Recruitment Exam Pattern : ఎస్బీఐ మేనేజర్లు, స్పెషలిస్ట్ క్యాడర్ ఆఫీసర్ల నియామకాల కోసం ఆన్లైన్ రాత పరీక్ష నిర్వహిస్తారు. దేశంలోని వివిధ నగరాలలోని పలు పరీక్ష కేంద్రాలలో ఈ నియామక పరీక్ష ఉంటుంది. అభ్యర్థుల పరీక్ష ఫలితాల ఆధారంగా ఓ షార్ట్‌లిస్ట్ విడుదల చేస్తుంది స్టేట్ బ్యాంక్ ఆఫ్ ఇండియా. షార్ట్‌లిస్ట్లోని అభ్యర్థులను ఇంటర్వ్యూలకు పిలుస్తారు. అందులో ఎంపికైన వారికి నియామక పత్రాలు అందజేస్తారు.
దరఖాస్తు విధానం
- అభ్యర్థులు ఎస్బీఐ అధికారిక వెబ్సైట్ sbi.co.in ను ఓపెన్ చేయాలి.
- హోమ్ పేజ్లోని Careers ఆప్షన్పై క్లిక్ చేయాలి.
- SCO 2023 Registration లింక్పై క్లిక్ చేసి, ఓపెన్ చేయాలి.
- ముందుగా రిజిస్టర్ చేసుకుని, తరువాత దరఖాస్తులో మీ వ్యక్తిగత, విద్యార్హత వివరాలు నమోదు చేయాలి.
- సంబంధిత విద్యార్హత పత్రాలను అప్లోడ్ చేయాలి.
- ఆన్లైన్లోనే అప్లికేషన్ ఫీజు చెల్లించాలి.
- వివరాలు అన్నీ మరోసారి చెక్చేసుకుని.. అప్లికేషన్ సబ్మిట్ చేయాలి.
- భవిష్యత్ రిఫరెన్స్ కోసం అప్లికేషన్ ప్రింట్అవుట్ను భద్రపరుచుకోవాలి.
ముఖ్యమైన తేదీలు..
- దరఖాస్తుల స్వీకరణ ప్రారంభ తేదీ : 2023 సెప్టెంబర్ 16
- దరఖాస్తు ముగింపు తేదీ : 2023 అక్టోబర్ 6
- పరీక్ష తేదీ : 2023 డిసెంబర్/ 2024 జనవరిలో జరిగే అవకాశం ఉంది.
- పరీక్షకు 10 రోజుల ముందుగా హాల్టికెట్లు డౌన్లోడ్ చేసుకోవచ్చు.
