Road Accident News Today: బస్సు ట్రక్కును ఢీకొన్న ఘటనలో ఆరుగురు ప్రాణాలు కోల్పోగా.. 25 మంది గాయపడ్డారు. వీరిలో ఐదుగురికి తీవ్ర గాయాలయ్యాయి.
మధ్యప్రదేశ్లోని బైతుల్ జిల్లా నర్ఖేడ్ గ్రామం సమీపంలో బుధవారం ఈ దుర్ఘటన జరిగింది. బస్సు ప్రభాత్పట్టాన్ నుంచి ముల్తాయ్కు ప్రయాణిస్తున్న క్రమంలో ఎదురుగా వస్తున్న ట్రక్కును ఢీకొని ప్రమాదానికి గురైనట్లు అధికారులు వెల్లడించారు. రెండు వాహనాలూ బోల్తా పడ్డాయని చెప్పారు.
మృతులను షేక్ రషీద్(65), ఛాయా పాటిల్(40), సునీల్ పిపర్దే(45), భీమ్రావ్ ధోటే(60), దేవరాజ్ పండోలే(60), తేజస్వీ(19)గా అధికారులు గుర్తించారు.
ఈ ప్రమాదంపై స్పందించిన ముఖ్యమంత్రి శివరాజ్ సింగ్ చౌహాన్.. మృతుల కుటుంబాలకు సంతాపం తెలిపారు. ఈ ఘటనలో గాయపడిన వారికి మెరుగైన చికిత్స, మృతుల కుటుంబసభ్యులకు సాయం అందేలా చర్యలు చేపట్టాలని అధికారులను ఆదేశించారు.
ఇదీ చూడండి : 'దేశంలో యూపీఏ కూటమే లేదు.. ప్రత్యామ్నాయం అవసరం'
