Reward on Missing Cat: నేరస్థులు, తప్పిపోయిన వ్యక్తుల జాడ తెలిపినవారికి బహుమతిగా డబ్బులను ఇస్తామనే ప్రకటనలను చూశాం. కానీ తప్పిపోయిన పిల్లిని తిరిగి ఇస్తే నగదు పురస్కారం ఇస్తామనే ప్రకటనను ఎక్కడైనా చూశారా? అయితే.. బెంగళూరులో ఇలాంటి ఓ యాడ్ తెరపైకి వచ్చింది. తప్పిపోయిన తన పర్షియన్ పిల్లి జాడ తెలిపితే.. రూ.35 వేల రివార్డ్ ఇస్తానని ప్రకటన విడుదల చేశాడు మాస్బా షరీఫ్ అనే వ్యక్తి.
షరీఫ్ స్థానికంగా జయా నగర్లోని రాజన్న లేఅవుట్లో నివసిస్తున్నారు. ఆయన ఇంట్లో ఓ కుందేలుతో పాటు అలిజీ అనే పర్షియన్ ఆడ పిల్లి ఉంది. జనవరి 15న అలిజీ కనిపించకుండా పోయింది. ఎంత వెతికినా ప్రయోజనం లేకపోయింది. దీంతో స్థానిక పోలీస్ స్టేషన్లో ఫిర్యాదు చేశారు షరీఫ్. దాని జాడను తెలపాలని ఓ ప్రకటనను కూడా విడుదల చేశారు. తనకు ఇష్టమైన ఆ పిల్లి జాడ తెలిపినవారికి రూ.35 వేల రివార్డ్ను కూడా ఇస్తానని ప్రకటనలో తెలిపారు.
తన ఇంట్లో అలిజీ, కుందేలు ఆడుకున్న వీడియోలను కూడా షేర్ చేశారు షరీఫ్.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చదవండి: 'విద్యార్థుల ఇంటికే ఉపాధ్యాయులు'.. లాక్డౌన్లో టీచర్ సరికొత్త ఆలోచన
