UP tableaux award: దేశ రాజధానిలో మొత్తం 12 రాష్ట్రాలు, కేంద్ర పాలిత ప్రాంతాలు పాల్గొన్న 73వ గణతంత్ర దిన కవాతులో ఉత్తర్‌ప్రదేశ్‌ రాష్ట్ర శకటానికి ఉత్తమ అవార్డు లభించినట్లు రక్షణ మంత్రిత్వశాఖ శుక్రవారం వెల్లడించింది. ‘కాశీ విశ్వనాథ్‌ ధామ్‌’ పేరిట ఈ శకటాన్ని రూపొందించారు. సంప్రదాయ చేనేత ఉత్పత్తుల ఇతివృత్తంతో రూపొందిన కర్ణాటక శకటం ద్వితీయస్థానం దక్కించుకోగా, మేఘాలయ మూడోస్థానంలో నిలిచినట్లు రక్షణ మంత్రిత్వశాఖ తెలిపింది. రాష్ట్రంగా ఏర్పడి 50 ఏళ్లు పూర్తి చేసుకొన్న ఈ ఈశాన్య రాష్ట్రం మహిళల ఆధ్వర్యంలో నిర్వహిస్తున్న సహకార సంఘాలు, స్వయం సహాయక సంఘాల ఇతివృత్తంతో శకటాన్ని తీర్చిదిద్దింది.
- కేంద్ర మంత్రిత్వశాఖల విభాగంలో విద్య, పౌర విమానయాన శాఖల శకటాలు సంయుక్త విజేతలుగా నిలిచాయి. మొత్తం తొమ్మిది శాఖలు ఈ విభాగంలో పోటీపడగా.. ప్రజల ఎంపికలో సమాచార మంత్రిత్వ శాఖ విజేతగా నిలిచింది. పట్టణ వ్యవహారాలు, గృహనిర్మాణశాఖ శకటం ప్రత్యేక బహుమతి దక్కించుకొంది.
- త్రివిధ దళాల కవాతులో నౌకాదళం ప్రథమ బహుమతి గెలుచుకొన్నట్లు రక్షణ మంత్రిత్వశాఖ వెల్లడించింది.
ఇదీ చదవండి: పక్కా స్కెచ్తోనే గోరఖ్పుర్ బరిలో యోగి- 62 సీట్లపై భాజపా గురి!
