RCFL Management Trainee Notification : రాష్ట్రీయ కెమికల్స్ అండ్ ఫెర్టిలైజర్స్ లిమిటెడ్ (RCFL) 124 మేనేజ్మెంట్ ట్రైనీ పోస్టుల భర్తీ కోసం నోటిఫికేషన్ విడుదల చేసింది. ప్రభుత్వ సంస్థల్లో ఉద్యోగాలు సంపాదించాలని ఆశించే అభ్యర్థులకు ఇది మంచి అవకాశం. కనుక ఆసక్తి గల అభ్యర్థులు ఈ ఆగస్టు 9లోగా ఆన్లైన్లో ఈ ఉద్యోగాలకు దరఖాస్తు చేసుకోవచ్చు.
మేనేజ్మెంట్ ట్రైనీ ఉద్యోగాల వివరాలు
RCFL Management Trainee jobs 2023 :
- కెమికల్ - 28
- బోయిలర్ - 10
- మెకానికల్ - 6
- ఎలక్ట్రికల్ - 10
- ఇన్స్ట్రుమెంటేషన్ - 12
- సివిల్ - 1
- సేఫ్టీ - 4
- సీసీ ల్యాబ్ - 7
- మార్కెటింగ్ - 37
- ఐటీ - 3
- హ్యూమన్ రిసోర్సెస్ - 2
- హెచ్ఆర్డీ - 2
- అడ్మినిస్ట్రేషన్ - 1
విద్యార్హతలు ఏమిటి?
RCFL Management Trainee Eligibility : ఆయా పోస్టులకు అనుగుణంగా.. ఇంజినీరింగ్ డిగ్రీ, ఎంబీఏ పూర్తి చేసి ఉండాలి. పూర్తి వివరాల కోసం అధికారిక నోటిఫికేషన్ను చూడండి.
దరఖాస్తు రుసుము ఎంత?
RCFL Management Trainee Application Fee : అభ్యర్థులు రూ.1000 అప్లికేషన్ ఫీజుగా చెల్లించాల్సి ఉంటుంది. అయితే ఎస్సీ, ఎస్టీ, ఎక్స్ సర్వీస్మెన్, దివ్యాంగులు, మహిళలకు దరఖాస్తు రుసుము నుంచి మినహాయింపు ఇచ్చారు.
ఎంపిక విధానం ఎలా ఉంటుంది?
RCFL Management Trainee Selection Process : అభ్యర్థుల ఎంపిక ప్రక్రియ మూడు దశల్లో ఉంటుంది. మొదటిగా ఆన్లైన్ టెస్ట్ నిర్వహిస్తారు. ఇందులో ఉత్తీర్ణులైన అభ్యర్థులకు గ్రూడ్ డిస్కషన్, పర్సనల్ ఇంటర్వ్యూ నిర్వహిస్తారు. వీటిలోనూ క్వాలిఫై అయిన వారిని మేనేజ్మెంట్ ట్రైనీ ఉద్యోగాలకు ఎంపిక చేస్తారు.
ఆన్లైన్ టెస్ట్ : ఆన్లైన్ టెస్ట్లో రెండు పార్టులు ఉంటాయి. మొదటి పార్ట్లో మీ డిసిప్లైన్ రిలేటెడ్ క్వశ్చన్స్, రెండో పార్టులో ఆప్టిట్యూడ్ రిలేటెడ్ ప్రశ్నలు అడుగుతారు. మొత్తం 100 మార్కులకు నిర్వహించే ఆ పరీక్షను 90 నిమిషాల వ్యవధిలో పూర్తి చేయాల్సి ఉంటుంది. అయితే ఈ పరీక్షలో నెగిటివ్ మార్కింగ్ లేకపోవడం గమనార్హం.
జీతభత్యాలు ఎలా ఉంటాయి?
RCFL Management Trainee Salary : మేనేజ్మెంట్ ట్రైనీగా ఎంపికైన అభ్యర్థులకు నెలకు రూ.30,000 వరకు జీతభత్యాలు ఇస్తారు.
దరఖాస్తు విధానం
RCFL Recruitment 2023 Apply Online :
- మేనేజ్మెంట్ ట్రైనీ పోస్టులకు దరఖాస్తు చేసేందుకు www.rcfltd.com వెబ్సైట్ను ఓపెన్ చేయాలి.
- RCFL Executive Recruitment 2023 లింక్పై క్లిక్ చేయాలి.
- దరఖాస్తు ఫారంలో మీ వ్యక్తిగత వివరాలు, ఎడ్యుకేషన్ క్వాలిఫికేషన్ వివరాలు నమోదు చేయాలి.
- అప్లికేషన్ నింపిన తరువాత దరఖాస్తు రుసుము చెల్లించాలి.
- ఫీజు చెల్లించిన తరువాత, మీ సర్టిఫికేట్స్ స్కాన్ కాపీలను అప్లోడ్ చేయాలి.
- దరఖాస్తు సబ్మిట్ చేసి, భవిష్యత్ రిఫరెన్స్ కోసం దాని ప్రింట్అవుట్ భద్రపరచుకోవాలి.
ముఖ్యమైన తేదీల వివరాలు
RCFL Management Trainee Last Date :
- దరఖాస్తు స్వీకరణ ప్రారంభ తేదీ : 2023 జులై 26
- దరఖాస్తుకు ఆఖరు తేదీ : 2023 ఆగస్టు 9
