Rahul Gandhi ED case: కాంగ్రెస్ అగ్రనేత రాహుల్ గాంధీపై ఈడీ విచారణ కొనసాగుతోంది. ఐదోరోజైన గురువారం రాహుల్ గాంధీని 9 గంటల పాటు ఈడీ ప్రశ్నించింది. ఉదయం 11.15 గంటలకు ఈడీ కార్యాలయానికి వెళ్లిన రాహుల్.. మధ్యలో భోజన విరామం కూడా తీసుకోలేదు. రాత్రి 8 గంటల వరకు ఈడీ అధికారులతోనే ఉన్న ఆయన.. అరగంట విరామం తర్వాత మళ్లీ కార్యాలయానికి వెళ్లారు. అర్ధరాత్రి వరకు విచారణ కొనసాగినట్లు అధికారులు తెలిపారు. రాహుల్ గాంధీ వాంగ్మూలంతో పాటు లిఖితపూర్వకంగా సమాధానాలు సేకరించినట్లు చెప్పారు. మొత్తం ఐదు రోజుల్లో సుమారు 55 గంటల పాటు ఆయన్ను ఈడీ విచారించింది. నేషనల్ హెరాల్డ్ కేసుకు సంబంధించి మనీలాండరింగ్ ఆరోపణలపై ప్రశ్నలు సంధించింది.
Rahul Gandhi news today: మరోవైపు, రాహుల్ గాంధీని భాజపా వేధింపులకు గురిచేస్తోందని కాంగ్రెస్ ధ్వజమెత్తింది. వ్యక్తిగత కక్షతో రాహుల్పై పగతీర్చుకుంటోందని ఆరోపించింది. కీలకమైన ద్రవ్యోల్బణం, నిరుద్యోగం, అగ్నిపథ్ సమస్యలపై నుంచి ప్రజల దృష్టి మళ్లించేందుకు రాహుల్ను లక్ష్యంగా చేసుకుందని ఆ పార్టీ ప్రతినిధి అభిషేక్ మను సింఘ్వి మండిపడ్డారు.
"భాజపా ఆవేశంతో ఉంది. ఈడీని పంజరంలో బంధించింది. భాజపాకు వ్యతిరేకంగా నిరంతరం గళమెత్తుతున్నందునే రాహుల్ను మోదీ సర్కారు వేధిస్తోంది. ఈడీ విచారణ ప్రక్రియ రాజ్యాగబద్ధంగా లేదు. ప్రతీదీ వ్యక్తిగతమే. పరిపాలనలో విఫలమైన మోదీ సర్కారు.. అరకొరగా రూపొందించిన విధానాల నుంచి ప్రజల దృష్టిని మళ్లించేందుకు ప్రయత్నిస్తోంది. అంతం లేనన్ని ప్రశ్నలు అడగడం ఏంటి? షేర్ హోల్డర్ వద్ద సంస్థ ఆస్తులు ఉండవు. ఏజేఎల్ ఆస్తులకు యంగ్ ఇండియా యజమాని కాదు. యంగ్ ఇండియన్ మైనారిటీ షేర్ హోల్డర్ మాత్రమే. ఈ ప్రశ్నను ఎన్నిసార్లు అడుగుతారు. యంగ్ ఇండియా అనేది సెక్షన్ 25 కంపెనీ. దాని వల్ల షేర్ హోల్డర్లకు ఎలాంటి లాభాలు రావు. ఏడేళ్లు గడిచినా ప్రభుత్వం దీనిపై స్పష్టమైన ఆధారాలతో ఎందుకు రాలేకపోతోంది?" అని సింఘ్వి ప్రశ్నించారు.
'దేశానికి ప్రాణాంతకం'
ఇదిలా ఉంటే, అగ్నిపథ్ స్కీమ్పై రాహుల్ గాంధీ మరోసారి ఫైరయ్యారు. భాజపా ఏదైతే మంచి అని చెబుతుందో అది దేశానికి ప్రాణాంతకమని అన్నారు. భవిష్యత్లో సంస్కరణలు వస్తాయని చెప్పి ఆయన ప్రవేశపెట్టిన పథకాల వల్ల దేశప్రజలు తీవ్రంగా ఇబ్బంది పడుతున్నారని అన్నారు. ఈ మేరకు సోమవారం కర్ణాటకలో మోదీ చేసిన వ్యాఖ్యలను ఉద్దేశించి ఇలా చురకలంటించారు. "మిస్టర్ ప్రైమ్ మినిస్టర్, సమయానుగుణంగా ఫలాలు వస్తాయన్న మీ సంస్కరణలతో దేశప్రజలు ప్రతిరోజూ ఇబ్బంది పడుతున్నారు. నోట్ల రద్దు, తప్పుగా రూపొందించిన జీఎస్టీ, సీఏఏ, ద్రవ్యోల్బణం, రికార్డు స్థాయి నిరుద్యోగం, వ్యవసాయ చట్టాలు, ఇప్పుడు అగ్నిపథ్. దేశానికి ఏదైతే మంచిదని భాజపా చెబుతుందో అదే ప్రాణాంతకం" అని రాహుల్ హిందీలో ట్వీట్ చేశారు.
-
प्रधानमंत्री जी, आपके 'समय के साथ सुधार वाले फ़ायदों' के परिणाम देश की जनता हर दिन भुगत रही है।
— Rahul Gandhi (@RahulGandhi) June 21, 2022 " class="align-text-top noRightClick twitterSection" data="
नोटबंदी, गलत GST, CAA, रिकॉर्ड महंगाई, रिकॉर्ड बेरोज़गारी, काले कृषि कानून और अब अग्निपथ से प्रहार।
भाजपा का 'अच्छा' मतलब, देश के लिए घातक।
">प्रधानमंत्री जी, आपके 'समय के साथ सुधार वाले फ़ायदों' के परिणाम देश की जनता हर दिन भुगत रही है।
— Rahul Gandhi (@RahulGandhi) June 21, 2022
नोटबंदी, गलत GST, CAA, रिकॉर्ड महंगाई, रिकॉर्ड बेरोज़गारी, काले कृषि कानून और अब अग्निपथ से प्रहार।
भाजपा का 'अच्छा' मतलब, देश के लिए घातक।प्रधानमंत्री जी, आपके 'समय के साथ सुधार वाले फ़ायदों' के परिणाम देश की जनता हर दिन भुगत रही है।
— Rahul Gandhi (@RahulGandhi) June 21, 2022
नोटबंदी, गलत GST, CAA, रिकॉर्ड महंगाई, रिकॉर्ड बेरोज़गारी, काले कृषि कानून और अब अग्निपथ से प्रहार।
भाजपा का 'अच्छा' मतलब, देश के लिए घातक।
'ముందు వారిని తీసుకోంది..'
సమాజ్వాదీ అధినేత అఖిలేశ్ యాదవ్ సైతం అగ్నిపథ్పై అసంతృప్తి వ్యక్తం చేశారు. నాలుగేళ్ల తర్వాత రిటైర్ అయ్యే అగ్నివీరులకు ఉద్యోగం ఇస్తామని పలువురు పారిశ్రామికవేత్తలు చేసిన వ్యాఖ్యలపై స్పందించిన ఆయన.. ఇప్పటివరకు పదవీవిరమణ చేసిన వారిని ముందు చేర్చుకోవాలని హితవు పలికారు. తద్వారా యువతకు భరోసా ఇవ్వాలని సూచించారు. అదేసమయంలో, అగ్నిపథ్లో భాజపా నేతల పిల్లలు ఎవరైనా చేరాలని అనుకుంటున్నారా? అని ప్రశ్నించారు. ఒకవేళ ఉంటే ఆ నేతల జాబితా విడుదల చేయాలని డిమాండ్ చేశారు.
ఇదీ చదవండి: విపక్షాల రాష్ట్రపతి అభ్యర్థిగా యశ్వంత్ సిన్హా.. ఆయనే ఎందుకు?
