అంబానీ ఇంటి సమీపంలో పేలుడు పదార్థాల కేసులో ఆరోపణలు ఎదుర్కొంటున్న పోలీసు అధికారి సచిన్ వాజేపై సస్పెన్షన్ వేటు పడింది. ఆయనను సస్పెండ్ చేస్తూ స్పెషల్ బ్రాంచ్ అదనపు కమిషనర్ ఆదేశాలు జారీ చేశారని ముంబయి పోలీసు పీఆర్ఓ ఎస్ చైతన్య వెల్లడించారు.
గత నెల 25న ముకేశ్ అంబానీ ఇంటి వద్ద జిలెటిన్ ఉన్న స్కార్పియో కారును పోలీసులు గుర్తించారు. ఈ కేసును దర్యాప్తు ఎన్ఐఏ చేపడుతుండగా, ఆ కారు యజమానిగా పేర్కొన్న మన్సుఖ్ హిరేన్ కేసును వాజే ఆధ్వర్యంలో ముంబయి పోలీసులు దర్యాప్తు చేపడుతున్నారు. అయితే వాజేపై ఆరోపణలు రావడం వల్ల ఆయనను క్రైం బ్రాంచ్ నుంచి తొలుత బదిలీ చేశారు.
అనంతరం ఈ కేసు దర్యాప్తు చేపట్టిన జాతీయ దర్యాప్తు బృందం(ఎన్ఐఏ).. వాజేపై అభియోగాలు మోపి, అరెస్టు చేసింది. వాజేకు ఎన్ఐఏ ప్రత్యేక న్యాయస్థానం మార్చి 25 వరకు రిమాండ్ విధించింది.
ఇదీ చదవండి: అంబానీ ఇంటి వద్ద బాంబులు- ఆ అధికారి పాత్ర ఉందా?
