పార్లమెంట్ రెండో విడత బడ్జెట్ సమావేశాల్లో లోక్సభలో విపక్షాల నిరసన వల్లే 'అమృత్ మహుత్సవ్'పై ప్రధాని నరేంద్ర మోదీ ఎటువంటి ప్రకటన చేయలేకపోయారని పార్లమెంటరీ వ్యవహారాల శాఖ మంత్రి ప్రహ్లాద్ జోషి అన్నారు. చమురు సహా సాగు చట్టాలపై చర్చ జరపాలని నిరసనలు చేపట్టాయి విపక్షాలు. దీంతో లోక్సభలో గందరగోళం నెలకొంది. ఈ పరిస్థితుల్లోనే ప్రధాని మాట్లాడలేదని ప్రహ్లాద్ స్పష్టం చేశారు.
"అమృత్ మహోత్సవ్పై పార్లమెంట్లో ప్రధాని మాట్లాడాలని భావించారు. ఇందుకు స్పీకర్ అనుమతి ఇచ్చారు. అయితే సభలో ఏకాభిప్రాయం లేదు. సభ సజావుగా సాగిన ప్రతిసారి ప్రధాని ఓ కీలక ప్రకటన చేస్తారు."
- ప్రహ్లాద్ జోషి, పార్లమెంటరీ వ్యవహారాల మంత్రి
ఈ ఏడాది 'అమృత్ మహోత్సవ్' పేరుతో నిర్వహించనున్న 75వ స్వాతంత్య్ర వేడుకల గుజరాత్లో మార్చి 12న ప్రధాని మోదీ ప్రారంభించనున్నారు. సబర్మతి ఆశ్రమం నుంచి 21 రోజులు 'దండి మార్చ్'ను కూడా నిర్వహించనున్నారు.
ఇదీ చూడండి: 75 వారాలు.. 75చోట్ల.. 75వ స్వాతంత్య్ర వేడుకలు
