ప్రధాని నరేంద్ర మోదీ స్ఫూర్తితో గుజరాత్కు చెందిన ఓ యువ ఇంజినీర్ తనదైన దారిలో నడుస్తున్నాడు. పనితో సంబంధం లేకుండా ఆదాయ మార్గాలను వెతుక్కున్నాడు. ఉన్నత చదువులు చదివి.. చాయ్వాలాగా మారాడు. వృత్తి ఏదైనా సరే అంకుర సంస్థలు స్థాపించాలని అంటున్నాడు.
బాగాల్కోట్ జిల్లా కలలాగి గ్రామానికి చెందిన యువకుడు అమిర్ సోనల్. మెకానికల్ ఇంజినీరింగ్లో డిప్లమా పూర్తి చేశాడు. ఆ తర్వాత ఉద్యోగరీత్యా బెంగళూరు వెళ్లాడు. టొయెటా కంపెనీలో చదువుకు తగ్గ ఉద్యోగం సైతం పొందాడు. కానీ శ్రమకు తగ్గ ఫలితం అందట్లేదని భావించి స్వగ్రామానికి తిరిగి వచ్చాడు. ఏదైనా సొంత వ్యాపారం స్థాపించాలనుకున్నాడు.
"చాయ్వాలా దేశానికి ప్రధాని అయ్యారు. అలాంటప్పుడు ఒక ఇంజినీర్.. చాయ్వాలా ఎందుకు కాకూడదు. వృత్తి ఏదైనా సరే అంకుర సంస్థలను స్థాపించాలి. వ్యాపారం, ఆదాయవ్యయాలు మాత్రమే ప్రధానమైనవి. అంకితభావంతో పనిచేస్తే తప్పకుండా లాభాలు అర్జించవచ్చు."
- అమిర్ సోనల్
బాగాల్కోట్ పట్టణంలో ఓ టీ షాప్ను స్థాపించాడు అమిర్. అక్కడ బిస్కెట్, కేక్, బన్, టీ అమ్ముతున్నాడు. అయితే.. ఆ షాప్కు 'చాయ్వాలాగా మారిన ఇంజినీర్' అని పేరు పెట్టాడు. 'ఇక్కడ టెక్నికల్ చాయ్ లభించును' అనే ట్యాగ్లైన్ను సైతం బ్యానర్లో రాశాడు. ప్రతీరోజు దాదాపు వెయ్యి కప్పుల టీని అమ్మేవాడు. కరోనా కారణంగా ఆ సంఖ్య 500కు పరిమితమైంది. రెండు, మూడు నెలల్లోనే వ్యాపారం మళ్లీ సాధారణ స్థితికి వస్తుందని అమిర్ విశ్వాసం వ్యక్తం చేస్తున్నాడు.
ఇవీ చదవండి:
