దేశంలో కరోనా రెండో దశ వ్యాప్తి దృష్ట్యా వ్యాక్సినేషన్ ప్రక్రియను మరింత వేగవంతం చేసింది కేంద్రం. విదేశీ టీకాలను దిగుమతి చేసేందుకు ప్రయత్నాలు సాగిస్తోంది. ఈ నేపథ్యంలో అమెరికాకు చెందిన ఫైజర్ టీకాలు త్వరలోనే భారత్కు రానున్నట్లు సమాచారం.
ఫైజర్ సంస్థ సీఈఓ ఆల్బర్ట్ బోర్లా.. ఈ విషయంపై స్పందించారు. భారత ప్రభుత్వంతో ఒప్పందం తుది దశలో ఉన్నట్టు పేర్కొన్నారు. బయో ఫార్మాహెల్త్కేర్ 15వ సదస్సులో మాట్లాడిన ఆయన.. త్వరలో ఒప్పందం కుదురుతుందని ఆశాభావం వ్యక్తం చేశారు.
ఈ టీకాను జర్మన్ సంస్థ బయోఎన్టెక్, ఫైజర్ సంయుక్తంగా అభివృద్ధి చేశాయి. కొవిడ్ను అరికట్టడంలో ఈ టీకా సామర్థ్యం 90 శాతం ఉండటం గమనార్హం.
మోడెర్నా, ఫైజర్..
నీతి ఆయోగ్ సభ్యుడు డాక్టర్ వీకే పాల్.. మోడెర్నా, ఫైజర్ టీకాలను భారత్లో అనుమతించనున్నట్లు ఇటీవలే తెలిపారు.
డీసీజీఐ..
భారత్లో బ్రిడ్జ్‌ ట్రయల్స్‌ నిర్వహించాల్సిన అవసరం లేదని డ్రగ్‌ కంట్రోలర్‌ జనరల్‌ ఆఫ్‌ ఇండియా ఇటీవలే వెల్లడించింది. ఇప్పటికే పలు విదేశీ నియంత్రణ సంస్థలు, ప్రపంచ ఆరోగ్య సంస్థ ఆమోదం పొందిన టీకాలు దేశంలోకి వచ్చేందుకు మార్గం సుగమం చేసేలా నిర్దిష్ట మినహాయింపులు ఇచ్చింది డీసీజీఐ. ఈ టీకాలు భారత్లో అనుమతుల కోసం బ్రిడ్జ్‌ ట్రయల్స్‌ను నిర్వహించాల్సిన అవసరం లేదని డీసీజీఐ చీఫ్‌ వి.జి.సొమని తెలిపారు.
