'ఎఫ్​ఐఆర్​లో పేరు లేనివారు.. కేసు కొట్టివేయాలని కోరలేరు'

Supreme Court: ఓ క్రిమినల్​ కేసులోని ఇతర నిందితులపై కొనసాగతున్న విచారణ ప్రక్రియను కొట్టివేయాలని ఎఫ్​ఐఆర్​లో పేరు లేని వ్యక్తులు కోరలేరని సుప్రీంకోర్టు స్పష్టం చేసింది. ఉత్తర్​ప్రదేశ్​ పవర్​ కార్పొరేషన్​ లిమిటెడ్ ప్రావిడెంట్ ఫండ్​ ఇన్వెస్ట్​మెంట్ స్కామ్​పై విచారణ సందర్భంగా ఈ మేరకు పేర్కొంది.

Supreme Court: ఎఫ్​ఐఆర్​లో పేరు లేని వ్యక్తులు.. ఓ క్రిమినల్​ కేసులోని ఇతర నిందితులపై కొనసాగతున్న విచారణ ప్రక్రియ (ప్రొసీడింగ్స్​)ను కొట్టివేయాలని కోరజాలరని సుప్రీంకోర్టు స్పష్టం చేసింది. లఖ్​నవూలోని హజ్రత్​గంజ్​ పోలీసు స్టోషన్​లో గతంలో నమోదైన యూపీపీసీఎల్​ ప్రావిడెంట్​ ఫండ్​ ఇన్వెస్ట్​మెంట్​ స్కామ్​లో ఎఫ్​ఐఆర్​ను కొట్టివేయాల్సిందిగా కోరుతూ దాఖలైన వ్యాజ్యం విచారణ సందర్భంగా.. జస్టిస్ ఏ.ఎం ఖాన్విల్కర్​, జస్టిస్ సి.టి రవికుమార్​లతో కూడిన ధర్మాసనం ఈ వ్యాఖ్య చేసింది.

ఉత్తర్​ప్రదేశ్​ పవర్​ కార్పొరేషన్​ లిమిటెడ్ ప్రావిడెంట్ ఫండ్​ ఇన్వెస్ట్​మెంట్ స్కామ్​గా పిలిచే ఈ కేసులను తొలుత రాష్ట్ర పోలీసులు దర్యాప్తు చేయగా, అనంతరం సీబీఐకి బదిలీ చేశారు. "ఈ కేసులోని నిందితుల పేర్లలో పిటిషనర్లు లేరు. అలాంటప్పుడు వారు ఎఫ్​ఐఆర్​ లేదా కేసును కొట్టివేయాలని కోరలేరు." అని ధర్మాసనం పేర్కొంది.

ఇదీ చూడండి: 'అత్యధిక బ్యాంకు మోసాలు మోదీ హయాంలోనే '