Pattabhi Questioned Sakshi Media in SIT Office : సిట్(SIT) కార్యాలయంలో టీడీపీ అధినేత చంద్రబాబు(TDP Chief Chandrababu)ను విచారిస్తున్న వేళ.. మీడియా ప్రతినిధులను ఎవరిని లోపలికి రానివ్వని పోలీసులు.. సాక్షి మీడియా(Sakshi Media)ను మాత్రమే ఎందుకు అనుమతించారని టీడీపీ అధికార ప్రతినిధి పట్టాభిరామ్ తెలిపారు. చంద్రబాబు ఫొటోలను, వీడియోలను తీయించి, బ్లూ మీడియా ద్వారా లీక్ చేశారని వెల్లడించారు. ఈ మేరకు విజయవాడలోని తన నివాసం నుంచి.. చంద్రబాబును విచారిస్తున్న గదిలో ఉన్న సాక్షి కెమెరామెన్ సత్య, సాక్షి ఫొటోగ్రాఫర్ పవన్ ఫొటోలను పట్టాభి రిలీజ్ చేశారు. అనంతరం అధికార పార్టీ వైసీపీ, బ్లూ మీడియాపై తీవ్రస్థాయిలో విమర్శలు గుప్పించారు.
సిట్ కార్యాలయంలో మాజీ సీఎం చంద్రబాబును విచారిస్తున్న గదిలో సాక్షి కెమెరామెన్ సత్య, సాక్షి ఫొటోగ్రాఫర్ పవన్ ఉండడం ఏంటని టీడీపీ అధికార ప్రతినిధి ప్రశ్నించారు. తమ నాయకుడు ఉన్న వీడియోలు, ఫొటోలు తీసి బయటకు విడుదల చేయడానికా.. లేక ఎప్పటిలాగే ఇబ్బందులు పెట్టాలని చూస్తున్నారా అని వాపోయారు.
Andhra Ex CM Chandrababu Arrested : సీఐడీ అధికారులు తాడేపల్లి ప్యాలెస్ చేతిలో కీలు బొమ్మలుగా మారారని.. ఈ మొత్తం వ్యవహారం అక్కడి నుంచే జరుగుతోందని విమర్శించారు. ఆ డైరెక్షన్లోనే చంద్రబాబు అక్రమ అరెస్టు వ్యవహారం నడుస్తోందని ధ్వజమెత్తారు. సిట్ అధికారులు చంద్రబాబును విచారిస్తున్నట్లు, వారు అడిగే ప్రశ్నలకు సమాధానాలు చెప్పలేకపోతున్నట్లు తప్పుడు ప్రచారం బ్లూ మీడియా చేస్తోందన్నారు.
ఇలాంటి తప్పుడు ప్రచారాలను చేసేందుకే ఫొటోలు, వీడియోలను బ్లూ మీడియా లీక్ చేసిందని పట్టాభిరామ్ వెల్లడించారు. సాక్షి ఫొటో గ్రాఫర్, కెమెరామెన్ సిట్ కార్యాలయానికి ఎలా ప్రవేశించారని ప్రశ్నించారు. అయితే రాష్ట్రంలో సాక్షి పత్రిక వారికి ఎక్కడికైనా ప్రవేశం ఉందా అని అడిగారు. మిగతా మీడియా వారికి లేని వెసులుబాటు.. కేవలం సాక్షికే ఎందుకని ప్రశ్నించారు.
అసలేం జరిగింది : శనివారం తెల్లవారుజామున సీఐడీ అధికారులు ప్రతిపక్ష నేత చంద్రబాబు బస చేస్తున్న నంద్యాలలోని ఆర్కే ఫంక్షన్ హాలుకు వెళ్లారు. బస్సులో నిద్రపోతున్న చంద్రబాబును అదుపులోకి తీసుకోవాలని చూశారు. కానీ ఆయనకు రక్షణగా నిలిచిన ఎన్ఎస్జీ అధికారులు అందుకు అభ్యంతరాలు తెలిపారు. ఎన్ఎస్జీ నిబంధనల ప్రకారం ఉదయం 5.30 గంటల వరకు ఆయనను కలిసేందుకు అనుమతి లేదని నిరాకరించారు. అయినా వినకుండా లోపలికి వెళ్లే ప్రయత్నం చేశారు.
Chandrababu Arrest in Skill Development Case : ఈ క్రమంలో టీడీపీ శ్రేణులు పెద్ద ఎత్తున అక్కడకు చేరుకొని.. సీఐడీ డీఐజీ రఘురామిరెడ్డి, నంద్యాల ఎస్పీ రఘువీర్ రెడ్డితో వాదించారు. అరెస్టు వారెంటు లేకుండా తమ నాయకుడిని ఎలా అరెస్టు చేస్తారని నిలదీశారు. దీంతో సీఐడీ అధికారి అక్కడి వారితో దురుసుగా ప్రవర్తించారు. ఉదయం 6 గంటలకు అరెస్టు చేస్తున్నట్లు తెలిపారు. అక్కడి నుంచి రోడ్డు పొడవునా చంద్రబాబు నాయుడు అరెస్టును నిరసిస్తూ.. పార్టీ శ్రేణులు, కార్యకర్తలు, అభిమానులు రోడ్లపై పెద్ద ఎత్తున చేరుకున్నారు.
